راح اسولف عالحبيبه والجمال
ولا تكولولي كلامك مستحيل
اني صاحبتي ارق من النسيم
والعطور تبات بالشعر الطويل
عدهه عين رموشهن جنهن سيوف
من تغمض ينسمع صوت الصليل !
بيهه تتغزل ورود الياسمين
ومنهه يتجفه عسل لمن تميل
العليل بلمسه من عدهه يطيب
والسليم بنظره يتمدد عليل !!
عدهه خفة دم ومدري بيا اداة
تكدر تحولهه للدمه ثكيل !!!
والجسم مرسوم باروع ما يكون
حل وسط لاهو سمين ولا نحيل
مسيطره وما ادري ساكت عنهه ليش
وانه لو الزمهه بجفوفي تسيل !!
ومن اسمعهه هذني الكلمات
تكلي هذا الوصف في حقي قليل !
حقهه تغتر لأن من عدهه الجمال
يستحي ويشعر بنفسه مو جميل
-
-
-
لوحة الشرف
العرض العادي
