وك شجاك تخبـَّـلت؟! و ما تكلي بيك شصار؟!...
بلا تفكير تفسِّر كلام النــاس وبــلاية حسبــانْ..

دكلي ياهو الكالك انة احبك و فرحـت حيــــل؟...
واذا حلم تحلمه كوم من نومك و فز يالحلمـانْ ..

حلم عيشت روحك بيه والسبب سوء ضــرفك !...
يعني أبتليت أعطف عليك و أرق مثل اي انسانْ؟! ..

منهو انت عليك الله دكلي وحتى انة افكر بيك ؟!...
تراني أعشق سواك و أهواه و احبه و بيه هيمانْ ..

وك تراني لو شفتك بشــــارع يوم أستكثــر أسلِّـم...
وما ارضى بمثلك لا اخو و لاصديق ولا حتى جيرانْ...

و ترا نفسي عزيزة و مــا تدنى لشخـــص مثـلك!..
الصبـح تكول فلان حبني و العصـر صارحني فلانْ ! ..

أتندمت و كلمة شلونـك اللي كلتها الك أســحبها...
و أبصم بعشــر اصابع على كلامي وياك غلطانْ..

أخاف اكول النوب اخبارك وتكل للناس عاشقـني ..
ميزانك للكلام أعوج و حيرني شكثـر هالميزانْ...

باختصار انت قدرك بدفتر حياتي أسم مــو اكــثر..
وأشطب على اسمك بصفحة بيضة ما بيها عنوانْ ..

رعـــد