شسويلك .. شسولك .. شوسيلك
حته ارضيــــك يمعود شسويلك

هذا اكبالك انه وانته مني اختار
كل عمري وحياتي وكلبي انطيلك

حته المستحيل ايصير الك وبساع
بلا كلمة نقاش بسرعه اهديلك

كومه استحملت منك عذاب وضيم
واستحمل بعد ما كلك ادخيلك

ضل سولف علي واكرهني ما جافيك
نام انت رغد وانه اسهر بليلك

ما افتح بعد وياك اي موضوع
اضل بس اسمعك واسمع مواويلك

حرت وياك انه منين اجيك شلون
اي لاصوتي الحلو واكدر اغنيلك

ولا اكدر اكلك بييه كومه اجروح
ولا اكدر اصيح ومنك اشكيلك

تعب حته الغزل والشعر ضاك الاوف
ورغم كل الجلد حبيت زنجيلك

ياحيلك ابد ما ركد كافي اصدود
كلبك ماتعب ؟ ولا نكض حيلك ؟

حاير وك شكلك انه شحجيلك
هاذ انه احترك وبنار سجيلك

شوف اجروحي يمكن تغتفرلي اذنوب
واذا ضلمه اشتعل لجلك واضويلك

شسويلك اضل ساكت وانه متانيك
نام انت رغد وانه اسهر بليلك

شسويلك شسويلك شسويلك ....





تحياتي الكم اخوكم ابن العراق الجريح

روعهـ
سلمت اناملك خيو
تقبل مرروري