زاعلت الحزن والله وكتلت الاه
وضميت العواطف والعشك والليل
نويت انه اعتزل من كل زمان الشوك
ماضل ياعشك بييه بعد كل حيل
تريد اكتب قصص واجمع خيال وطيف
وانه بيهه القصص جلدتني جن زنجيل
صفحه جديده فاتح ويه عمري الراح
بلكي ارتاح من اضحك غصب عالويل
بطلت الشعر بطلت اه و أوف
وبطلت العشك ماعندي دمعه تسيل
تذكر انت تذكر جنت احبك زين
وكلبك جنت احسه تكول ركضة خيل
خلص ذاك الوكت وابديت عمر اجديد
من صفر الصفر سافرت عكس الميل
عفت الحب الك والضحكه والحلويـــن
وهذا اعيونه حلوه وهذا فدوه اطويل
وهذا اكصير هذا عيونه سحر وضيم
هذا شلون احبه وهو ليش يعيل
وهذا وهذا .. هيجي انت جبت دنياك
ودنيانه صفت مثلك سخيفه اليوم
تكره شاعر وتكره شخص حساس
وتحب النذل وتعينه عالمضلوم
هي تلوك الك من الجدم للراس
وانت وياهه متوالم تضل للدوم
رديت الحياتي العمري ذاك الضاع
رجعت اضحك واغني وعالجت الهموم
رجع بييه الدفو والبرد طار بساع
ما ارضه ابثلج لا ارضه حر اسموم
رجعت انه وتركتك مالي قسمه وياك
ونضــــــــراتك وهم ... حسبالي حب مضموم
ونضــــــــراتك وهم ... حسبالي حب مضموم

ابن العراق الجريح
الثلاثاء
18 / 3 / 2008