ارتاحيت الك ياراحة نص احزان
جنت تعبان بس كبالك ارتاحيت

شفت بيك الوفه والطيبه والاخلاص
وشفت بيك الجمال بساع الك وجيت

نار ولهفه اصيرن من تغيب بيوم
وكل لحضه التمر تمطر علي كبريت

اضحك من اسولف يمك وارتاح
وانسه همومي وانسه انه شكثر عانيت

انسه الدنيه كلهه واكطع التفكير
واضل بس بيك افكر وارتجل كم بيت

اعز من عمري انته وعمري تايه بيك
واعز من عندي اليه وبس اريد ارضيك

يا اكثر شخص بالدنيه شال اخلاق
يل كلك ادب من راسك الرجليك

توزن كلمتك ماتحجي مثل الناس
تحجيهه بترافه تفك علييه الضيك

جنت حر واطير بكيفي احط كل يوم
بس غصنك عجبني وعلمتني اعليك

اروح شما اروح بفكري وي الاشعار
واشوفك انت يمي بكل شطر الكيك

يـــــــــــا وردة شعر ماتنزرع بالكاع
اضن الكاع الك نزرعهه لازم بيك

يا ضي الكمر وجهك سحر مسحور
يا نور الشمس يا انت كلك نور

يا مغرور طبعك ويه كل الكون
بس ويايه اشوفك ما صرت مغرور

هنياله اليحبك عنده اجمل ذوق
وهنياله التعذبه وبس عليه اتجور

احسدك .. أي احسدك حته لو سميت
بسم الله عليك يحرسك من الناس

صدك راح اغمض من اشوفك جاي
اخاف عيوني تجرح وانت ملك احساس

اخذ من عقلي اسمك ما اريد اهواك
لان صرت انت بييه ويه الحلم وهواس
لان صرت انت بييه ويه الحلم وهواس

الاربعاء.2008/4/2
انشاءالله تعجبكم اخوكم. ابن العراق الجريح.