ضيف هذا الاسبوع الاخ ♥√₪خطـ☆ـر☆ عـ☆ـرآقـ☆ـي₪√♥

الملف الشخصي · 04-06-2008, 02:25 AM

اقتباس

المشاركة الأصلية كتبت بواسطة أمبراطور ألحب


	هههههههههههه أني اجيت طبعا دا أفكر بالاسئلة البارحة الساعة ب3 بليل السؤال الاول :رعد وين كنت ساكن بالعراق قبل متسافر لقطر ؟؟؟ *بيتنا بالدورة .. اني جنت ساكن بالدورة قبل سفري .. و بيتنا الثاني بالرمادي ...* هذا سهل حيل السؤال الثاني :هل صارحت وحدة او انعجبت بيها بالكلية ؟؟؟ لا ما حصل ان صارحت بنية بالكلية ابد .. انعجبت بوحدة بالكلية مرة و مو جانت كلية جان معهد امريكي درست بيه علمود التوفل من جنت بالشارقة و جانت البنية حبابة و مؤدبة جدا و تجيبلي المحاضرات من ما احضر .. بس بعدين التهيت باكثر من شي من ضمنهم سفري للدوحة و طارت من بالي .. هذا ايضا سهل السؤال الثالث والاهم : بما انه انت اخوي وحبيبي وصديقي كلي بكل صراحة كم مرة انضربت بوري بوري .. لا الحمد لله بكل صراحة ولا مرة انضربت بوري لسببين الاول انه اني ما اصارح بنية حتى لو انعجبت بيها ابقى اراقبها الى ان اتاكد هية معجبة بية يلا احجي وياها .. و السبب الثاني انه رب العالمين ناطيني قدرة البشر من جملتين اعرفه شنو .. يعني البنية من تحجي جملتين اكون عرفت هاي شنو .. لذلك ما مضروب بوري بس من انضرب اول واحد انت اكلك ههههههههه. سؤال ايدوخ اشوية بس ميخالف السؤال الرابع :رعد شنو حلمك بالحياة ؟؟؟وهل انت طموح لبلوغ وتحقيق حلمك؟؟؟ حلمي... سؤال حلو و ينرادله صفنة .. هدفي الاول هسة اتخرج من الجامعة ... و ثاني شي ارتبط ببنت حلال اكون اختاريتها خلال هاي الفترة لو ورة ما اتخرج .. و ثالث شي الله يساعدني و اوكف للعراقين اللي اشوفهم محتاجيني او محتاجين احد يوكف وياهم .. سواء كان بالجانب المادي او بأي جانب من الجوانب البقية .. و من ضمن العراقين اهلي و كرابتي طبعا .. هذا سهل السؤال الاخير: سمي الاعضاء عضو ايحب نفسه: كتلوني ( عبودي ) عضو مميز بكل شي: باسم التميمي ( حاقد جدا على النساء) عضو ردوده رائعة: جوان + العراقية + بنت الفرات .. عضو قريب منك : باسم التميمي ( حاقد جدا على النساء) عضو مواضيعه اتحسه جديدة ومؤثرة: محمد حبيبي ( لي هم انت صاحبه ) + امبراطور الحب ( نور البياتي) عضو مثقف الى درجة: باسم + المسافر + بنت الفرات عضو تعتبره كبير المنتدى: باسم التميمي .. و الله الجبير من قبل و بعد .. وأخيرا وعضو اتريد تتعرف عليه أكثر: غزوان ( بيكو ) و انت نور اعرف عنك قليل اريد اعرف عنك اشياء اكثر .. ان شاء الله أسئلة اتكون سهلة واكون اني خفيف الظل راجع بعد الاجابة تقبل تحياتي

حبيبي نور اسئلتك حلوة مثل صاحبها .. تسلم ولا عدمنا هالمرور الحلو و الاسئلة الحلوة ... و استعد من يجي دورك و تصير ضيف الاسبوع ترا اسئلتي صعبة و يجوز اعكس قسم من هاي الاسئلة الك هههههههههههه. دمت بحفظ الرحمن اخوية الغالي ..

**۩ ۩|[− ألقيصر −]| ۩ ۩** · 04-06-2008, 02:32 AM

حبيبي
أني أشكر صراحتك المطلقة
وشخصيتك الاكثر من رائعة
ان شاء الله الاسئلة ما ضوجتك وكانت سهلة
واني حاضر لاي سؤال تسأله
لانه انت بمثابة أخ جبير الي والله اعلم
واني اتشرف بيك كأخ وكصديق
مشكور حبيبي مرة ثانية
تقبل مروري
وتحياتي

**ج ــوآن** · 04-06-2008, 02:41 AM

‘‘ ع ـرآقي خطر ‘‘

منور كرسي الاعترآف

1/ اكثر صفة تحبهآ في شخصيتك ؟

2/ عرآقي خطر ‘‘ مآ رآيك بـ تلك المقولة " [ - لا يكره - الِكتابة إلا إنسان فاشل بالقراءة ] "

3/ مآ هي اقسى كلمة سمعتهآ من انسآن عزيز عليك ؟

4/ لكل منآ طريقة تفكير ‘‘ فمآ هي طريقة تفكير عرآقي خطر ‘‘ وهل انت رآضِ عنهآ 100% 100

5/

اقتباس

عضو تشعر فيه يجامل كثيرا ؟؟

جوان

مع احترآمي لـ وجهة نظرك وعدم تجهمي منهآ

ولكن هنآك استفسآر بسيط من بآب المعرفة لا اكثر ‘‘ من اين حكمت علي بـ ذلك ؟

وأحب هنآ ان اقتبس قول الأخ ‘‘ حآقد جدآ ع النسآء

اقتباس

عضو تشعر فيه يجامل كثيرا ؟؟

هذا السؤال بالنسبه للبعض صعب لكن بالنسبه لي انا الوضعته واقول انه له معاني 2 لا ثالث لهم

الاول المجامله الخداعه وهذي صفه ليست جيده

2 المجامله السياسيه وطبعا مطلوبه هذه المجامله والاخ رامي لديه تلك الصفه

فهو مجامل واجبه يحتم عليه تلك الصفه كونه مدير المنتدى

بالـ حق اقف هنآ احترآما لـ تعقيبه

فـ كوني اجامل هنآ او هنآ ببعض الأوقات فـ ذلك من بآب الواجب بـ صفتي مديرهـ مسؤوله

وبالنهايهـ من منا لا يجآمل ببعض الأوقآت !!!

أتمنى ان تكون اسئلتي خفيفه الظل

تقبل طرحي

::

احترآمي

الملف الشخصي · 04-06-2008, 03:02 AM

اقتباس

المشاركة الأصلية كتبت بواسطة حاقد جدا على النساء


	هههههههههههههههههه رعودي حبيبي ضيف الاسبوع الله بالخير حبي شلونك مشتاقلك حيل شنو مسطح ؟؟؟؟؟؟؟؟ متجاوب ؟؟؟ رعد وينك ؟؟؟ ت57 عبالي بالشات رعودي اسف ههههههههههههههههههههههه ضيف الاسبوع مووووووووووو زين ممكن يتمدد شهر ترى الحصار تمدد اكثر من 13 سنه وصدك يوم الك ويوم عليك بس رعودي اعذرني هذي فرصتي هههههههههههههههههههههه >>> لازم استغلها كل خمس اسئله وحد مو مشكله اول 5 اسئلة من 100 سؤال وربي الا 100 اذا الله خلاني حي هههههههههههههههههههههههههههههههههههه يا الله ابدي طريق الــــــــــــــ 100 يبدي بسؤال بسم الله الله واحد رعد عراقي وكل عراقي معروف عنه بشكل معلوم الغيرة والحميه دائما تتواجد عنده بكل وقت حاضره اريدك تكولي موقف حصل وياك بالغربه لعبت بيه الغيره العراقيه دور ملوش ثاني *و الله اكو جم موقف بس اقواها هو موقف صار اول من تركت العراق و رحت للامارات ..* الموقف شوية طويل ... ثالث يوم الي بالامارات جنت هسة تارك العراق اول مرة رحت وية خالي دا اشتري لاب توب من مركز حاسوب بدبي .. المهم خالي عافني و راح على صديقه كلي ابقى شوف الاشياء اللي تريد تشتريها و خابرني اجيك من تخلص .. جانت اكو بنية عراقية تطلع اكبر مني ب خمس او سبع سنين و ولد اماراتي دا يحجي عليها و يسمعها كلام مو حلو .. المهم ما عرفتها عراقية و الله الا لما كالت اتمنى لو اخوتي هنا ما تكدر هيج تحجي وياية .. رحت كتله عوفها كلي ليش انت اخوها كتله اي اخوها هو كال زين اريد اصادقها لاختك .. ضربته بحيث من وصلنة للمركز جان الولد مدمة و خشمه ازرك و مورم و اني جان بس مشكوك قميصي .. بدون ما يعرف شنو القصة الضابط راسا كال تسفير انت عراقي و معتدي على مواطن اماراتي .. خابرت خالي و هو يعرف شيخ قاسمي انحلت بعدين بتعهد .. و لي هسة ما اكدر اسوي اي مشكلة بالامارات كلها لان كاتب تعهد ما اسوي مشاكل هناك .. رعد حساس جدا وشاعر من الطراز الرائع ماذا يعني لك الشاعر رحيم المالكي ابو رعود ؟؟؟ مدرسة شعر الله يرحمه و يسكنه فسيح جناته .. و انسان وطني و غيور يحب بلده و اهل بلده و ما يفرق بين اطيافهم ... حبيته كأنسان قبل ما احبه كشاعر .. الله يرحمه و يسكنه جنات عدن .. 3 قصيده كتبها رعد وتندم عليها ؟؟؟؟؟؟ مرة انعجبت ببنية و بعدني جنت ما اعرف كلشي عنها .. كتبت ابيات و دزيتها مسج الها .. و ورة جم يوم عرفت انه الله يهديها عدها هواية علاقات و ماخذة الشغلة ونسة و لعب .. و ندمت لان مثل هيج وحدة ما تستاهل حرف واحد شخص مثلي يكتبه علمودها .. رجعت و شكيت القصيدة من دفتر شعري.. و على الصفحة الوراها كتبت بيت شعر واحد .. *باختصار انت قدرك بدفتر حياتي اسم مو اكثر ..* *و اشطب على اسمك بصفحة بيضة ما بيها عنوان..* 4 قصيده ما نشرها رعد للان ؟؟؟ كتبت جم بيت شعر عن بنية حاط عيني عليها .. و طبعا كتلك اني هية منو ههههههههههه . بس ناوي اكملها و شكلها راح تكون احلى قصيدة كاتبها و هية تستاهل و اكثر .. و اكيد هية ما تدري طبعا بالمناسبة ... لا يروح بالك بعيد هههههه. من احاجيها انت اول واحد اكلك ... 5 من مثلك الاعلى في الشعر الشعبي غير عريان سيد خلف ت3 ؟؟؟ رحيم المالكي .. الله يرحمه شاعر فنان و اله قدرة كبيرة على التنقل بين المواضيع و الصور من موضوع و صورة الى موضوع و صورة .. *صباح الهلالي شاعر غزل رائع ايضا و احب اسمع شعره ..* لي عوده بقوا 95 سؤال ويوم الك ويوم عليك ت3

حبيبي باسم كل الهلا بيك عمري .. نورت الصفحة و شنو هاي الاسئلة الحلوة و السهلة كلش هههههههه. عمي التميمي علكيفك بية ترا هاي الاسئلة اصعب من اسئلة الامتحانات مالتي ههههههههههههه . حبي دمت بحفظ الباري و شكد ما عندك اسئلة جيب و اني اجاوبك عليها بكل صراحة و صدق بحيل الله عيوني ...

**★ حاقد جدا على النساء ★** · 04-06-2008, 03:04 AM

الان بات من حقي اسال الـــــــــــــــ 95 سؤال

لكن خمس تتبعها خمس اخرى بين كل رد ورد

بسم الله

الله واحد

مالذي يعشقه رعد في دواوين شعر عريان سيد خلف هل تل الورد سيكون الجواب ؟؟؟؟؟

ملوش ثاني

في اي ضرف يكون ابداع رعد ونزول الوحي الادبي (( في الفرحه ؟ ام في الحزن ؟ جنبك الله الحزن حبيبي . ))

3

ما هو طموح رعد العبيدي كشاعر ؟؟؟؟؟؟؟؟

4

ماذا يعني الليل لرعد ؟؟؟؟

5

متى يبكي رعد ؟؟؟؟؟؟؟؟؟؟؟؟؟؟ جنبك الله الحزن والبكاء

تقبل الله صيامكم وقيامكم ويسر لكم ايامه

شكرا جزيلا للمبدعه انين القمر سيده القلم الماسي سمراء اللوز

الرئيسية	المنتدى	سمايلز	استعلام الايبي ip	العاب فلاش
سرعة اتصالك	حكم والامثال	مسجات	مركز تحميل	زخرفه الاسم

لوحة الشرف
المشرفة المميزة	المشرف المميز	العضو المميز
العصفورةةة	الحمداني	الكلاسيكيه

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحـــث المتقـــدم
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

إعلانات الموقع