ضيف هذا الاسبوع الاخ ♥√₪خطـ☆ـر☆ عـ☆ـرآقـ☆ـي₪√♥

** GaZvAnChiC ** · 04-06-2008, 03:32 AM

بسم الله الرحمن الرحيم

شكرا لــــ قوت القلوب على استضافه الاخ الغالي رعد الشاهر

::

رعد الشاهر
من الاشخاص الي اعزهم و احترمهم و هو اخ عزيز على قلبي و ربي و احمد الله على معرفتي بهذا الشخص .

1 . رعد الشاهر في اخر مره زرت العراق ,
ما المشهد المحزن و ما المشهد المفرح الذي شاهدته ؟؟

::

2 . هل لديك صديق يحمل كل اسرارك ؟؟

::

3 . رعد الشاهر شاعر و مبدع , متى كانت اول مره كتبت فيها ؟؟

::

4 . هل لدى رعد الشاهر ملهم في الشعر ؟؟

اسف ع الاطاله يا غالي

ولي عوده مع اسئله جديده

الملف الشخصي · 04-06-2008, 04:02 AM

اقتباس

المشاركة الأصلية كتبت بواسطة ج ــوآن


	‘‘ ع ـرآقي خطر ‘‘ منور كرسي الاعترآف 1/ اكثر صفة تحبهآ في شخصيتك ؟ *الغيرة .. حب العراق .. الوفاء .. ما ارد واحد يطلب مني اي طلب ..* 2/ عرآقي خطر ‘‘ مآ رآيك بـ تلك المقولة " [ - لا يكره - الِكتابة إلا إنسان فاشل بالقراءة ] " اوافق صاحب المقولة الرأي .. ما احد يكدر يكتب اذا ما يكون مطلع و فاهم و على درجة عالية من المعرفة و التمكن .. يعني كمثال مستحيل اكو شاعر يكدر يكتب شعر لوما قاري هواية و مطلع و عارف المعاني اللي يكتبها .. و نفس المثال بصورة عكسية .. لو شخص ما قاري او مو مطلع او مو متمكن من المعاني ما راح يكدر يكتب لذلك راح يكره الكتابة بصورة تلقائية .. 3/ مآ هي اقسى كلمة سمعتهآ من انسآن عزيز عليك ؟ اقسى كلمة سمعتها هي كلمة قاسي .. مرة كالها الي ابن خالي بأثناء الحجي و اني ما احب كلمة قاسي بالعكس اشوف الناس تكول عني حساس .. 4/ لكل منآ طريقة تفكير ‘‘ فمآ هي طريقة تفكير عرآقي خطر ‘‘ وهل انت رآضِ عنهآ 100% 100 طريقة تفكيري ههههههههههه . ما ادري يمكن اني ما اكدر اجاوب على هيج سؤال اللي يكدر يجاوبه الناس اللي حولي .. اما بالنسبة الي انه اني راضي على طريقة تفكيري فالجواب .. *الحمد لله .. و لو جانت طريقة تفكيري غير هاي الطريقة جان غيرتها و خليتها هاي الطريقة ..* 5/ مع احترآمي لـ وجهة نظرك وعدم تجهمي منهآ ولكن هنآك استفسآر بسيط من بآب المعرفة لا اكثر ‘‘ من اين حكمت علي بـ ذلك ؟ وأحب هنآ ان اقتبس قول الأخ ‘‘ حآقد جدآ ع النسآء بالـ حق اقف هنآ احترآما لـ تعقيبه فـ كوني اجامل هنآ او هنآ ببعض الأوقات فـ ذلك من بآب الواجب بـ صفتي مديرهـ مسؤوله وبالنهايهـ من منا لا يجآمل ببعض الأوقآت !!! عضو تشعر فيه مجامل = جوان وللان اقول انتي مجامله والاخ باسم قال ان الاخ رامي مجامل وهذا واجبكم ما يصير تكونوا غليضي القلب (( ولو وجدوه غليظ القلب انفظوا من حوله )) ما اشوف اي خلاف بين كلامي وكلام الاخ باسم الاثنين نفس الكلام يعني ماء حول قوم وقوم حولهم ماء الاثنين معنى واحد ... اخوية و حبيبي باسم كال الاخ رامي مجامل .. بهاي اني همين وياه و نفس رايه .. المجاملة فن .. يعني ما يصير الواحد يجامل اي واحد يشوفه .. رامي يجامل الكل .. جوان تعرف منو تجامل كجزء من عملها ... لذلك اني جاوبت على مجامل و ما ذكرت رامي للسبب اللي كلته قبل شوية و هو انه رامي يجامل الكل بحيث احيانا تخرج طريقة تصرفه عن تعريف كلمة مجاملة ...على فكرة اني اللي اعرفه صفة المجاملة صفة حلوة ... أتمنى ان تكون اسئلتي خفيفه الظل تقبل طرحي :: احترآمي

حيااج الله اختي .. نورتي الصفحة بمرورج الخفيف و اسئلتج الحلوة ... دمتي بود و تألق يا مشرفتنا اللي تجامل اعضاء المنتدى بحـــــــــدود .. كجـــــزء من واجـــبــــها بـــــــــــــس ....

آخر تعديل ♥√₪خطـ☆ـر☆ عـ☆ـرآقـ☆ـي₪√♥ يوم 04-06-2008 في 06:05 AM.

الملف الشخصي · 04-06-2008, 05:38 AM

اقتباس

المشاركة الأصلية كتبت بواسطة حاقد جدا على النساء


	الان بات من حقي اسال الـــــــــــــــ 95 سؤال لكن خمس تتبعها خمس اخرى بين كل رد ورد بسم الله الله واحد مالذي يعشقه رعد في دواوين شعر عريان سيد خلف هل تل الورد سيكون الجواب ؟؟؟؟؟ *تل الورد هو الجواب مثل ما كلت حبيبي باسم .. و خصوصا دائما اردد جزء منه يعجبني كلش ..* *تحسبني . . وحسبتي وياك ما فلت* كلمن عرف وشره . . وشال منها الشال وتعده العمر والوادم اندلت هسه الراح راح . . وبين ايديك الروح بس ذمه ابركبتك يوم لو سلت !! ملوش ثاني في اي ضرف يكون ابداع رعد ونزول الوحي الادبي (( في الفرحه ؟ ام في الحزن ؟ جنبك الله الحزن حبيبي . )) في الحزن ... من اكون حزين اعزل نفسي و الزم ورقة و قلم و اكتب .. مرات من ارجع اقرة اللي كتبته ما اصدك هذا اني كاتبه بس لا تكول لاحد هههههههههههه. 3 ما هو طموح رعد العبيدي كشاعر ؟؟؟؟؟؟؟؟ انزل ديوان بحيل الله و اني ناوي اسوي هذا الشي قبل ما يوصل عمري 25 سنة .. و اسم الديوان من هسة دا افكر بيه .. 4 ماذا يعني الليل لرعد ؟؟؟؟ طبعا اني انسان ليلي بكل ما تعني الكلمة .. الليل الهدوء و الستر و السكون .. احب هدوء الليل .. و كل يوم اطلع برة بليل من الناس كلها نايمة و امشي بالشوارع وحدي .. اباوع على النجوم مرة .. و افكر مرة ثانية .. كل الاشعار اللي كاتبها لحد هاي اللحظة جانت بليل .. و حبي للون الاسود اجا من سواد الليل .. سكون الليل سر رب العالمين خلقه و قليل من البشر يحسون بقيمته .. 5 متى يبكي رعد ؟؟؟؟؟؟؟؟؟؟؟؟؟؟ جنبك الله الحزن والبكاء من اشوف مرية عراقية تبجي فاقدة اخ او ابن او زوج تنزل دموعي تلقائيا و بدون ما احس بيها .. لذلك اتجنب الاخبار دائما و اصدقائي ما يخلوني اشوف هيج لقطات ابد .. يديرون التلفزيون لو مرات بايام الاخبار المو زينة ( الله يحفظ العراق من الاخبار المو زينة ) يجون يتحججون حتى نطلع بس يخلص اليوم علمود ارجع و انام حتى لا اشوف الاخبار ولا اسمعها ..

حبيبي باسم اسئلتك و الله حلوة و تعبر عن صاحبها ... مو بس اللي يجاوب السؤال ترا تنعرف شخصيته اكثر .. اللي يسأل السؤال همين تنعرف شخصيته .. و يوم ورة يوم دا يزيد احساسي بشخصيتك الحلوة و القوية حبيبي ... دمت بخير و الله يحفظك الي اخ جبير و صديق غالي و عزيز ..

الملف الشخصي · 04-06-2008, 05:55 AM

اقتباس

المشاركة الأصلية كتبت بواسطة بـيـكـوووو * газванчик * الـعـراقـي


	بسم الله الرحمن الرحيم شكرا لــــ قوت القلوب على استضافه الاخ الغالي رعد الشاهر :: رعد الشاهر من الاشخاص الي اعزهم و احترمهم و هو اخ عزيز على قلبي و ربي و احمد الله على معرفتي بهذا الشخص . 1 . رعد الشاهر في اخر مره زرت العراق , ما المشهد المحزن و ما المشهد المفرح الذي شاهدته ؟؟ اكثر مشهد محزن كان بالنسبة الي هو شفت ابن عمي الله يكومه بالسلامة بالمستشفى .. تاذيت كلش و صرت عصبي حتى الاطباء كالو لخوالي و اهلي يطلعوني ما يخلوني بالمستشفى .. و اكثر موقف مضحك صار ورة نفق الشرطة بشوية شفت مرية جبيرة بالعمر شايلة غراض هواية و تمشي بيهم .. وكفتلها كتلها يمة صعدي اوصلج وين ما تريدين .. كالت لا روح وليدي الله يحفظك .. لحيت عليها لان شفت الغراض هواية كتلها يمة وين ما تريدين اوصلج صعدي امانة الله .. جان تكول الرينو 11 مالتي ( تقصد رجليها ) اقوة من سيارتك الجديدة هاي .. ضحكت كتلها و هسة شلون .. كالت يمة روح الله يحفظك و علي ينصرك و ما قبلت اوصلها عاندت .. :: 2 . هل لديك صديق يحمل كل اسرارك ؟؟ *اللي يعرف كل اسراري هو ابن عمي الله يحفظه .. بس اكو اصدقاء يعرفون هواية اشياء عني و هم قريبين مني كلش ..* :: 3 . رعد الشاهر شاعر و مبدع , متى كانت اول مره كتبت فيها ؟؟ صف اول متوسط .. المدرسة مال العربي كالت كتبو انشاء عن الشهيد .. كتبت انشاء و انطيته الها .. ثاني يوم اجتي تكول منو كاتبلك هذا الانشاء .. كتلها اني كاتبه .. كالت زين اكعد اكتبلي عن الطيور .. كتبت و ورة ما خلص الدرس انطيتها اللي كتبته قرته و تفاجئت جانت عبالها مو اني اكتب .. المدرسة الله يذكرها بالخير اسمها ست هناء .. باخر الانشاء كتبت بيت شعر بالعامية و حطيت اسمها بيه .. *جان هذا اول بيت اكتبه ...* :: 4 . هل لدى رعد الشاهر ملهم في الشعر ؟؟ اكثر من ملهم .. بحب الوطن العراق و بغداد .. بالفراق و الهجر بس اذكر اهلي و اصدقائي اكتب هواية ابيات قسم منها حتى ما اذكره ورة ما اخلص .. بالحب لي هسة لا بس ان شاء الله راح يصيرلي ملهم ههههههههه. جنت كبل احب بنية و من اذكرها اكتب شعر علمودها بس ورة ما انخطبت و تزوجت صار مو من حقي اذكرها حتى .. اسف ع الاطاله يا غالي ولي عوده مع اسئله جديده

بالعكس اسهل اسئلة لي هسة يا رب تجي اسئلة الامتحان مثل اسئلتك حبي غزوان ههههههههه . حبيبي كل الهلا بيك شوكت ما تجي و شوكت ما تسال .. و كل الحب الامتنان لمرورك على هاي الصفحة و طرحك لاسئلة جانت حلوة و لبقة و خفيفة ضل مثل صاحبها الحبوب غزوان .. و عندك العافية يا رب صدك حبيبي الفلاونزا بية ولا بيك ...

آخر تعديل ♥√₪خطـ☆ـر☆ عـ☆ـرآقـ☆ـي₪√♥ يوم 04-07-2008 في 05:21 PM.

** GaZvAnChiC ** · 04-06-2008, 06:08 AM

تسلم يا ورده ع الاجوبه الحلوه مثلك

و سلامتك من الفلاونزا .. متشوف شر ان شاء الله

و تبقى بخير دوم .. و يا رب يكوم ابن عمك بالسلامه

الرئيسية	المنتدى	سمايلز	استعلام الايبي ip	العاب فلاش
سرعة اتصالك	حكم والامثال	مسجات	مركز تحميل	زخرفه الاسم

لوحة الشرف
المشرفة المميزة	المشرف المميز	العضو المميز
العصفورةةة	الحمداني	الكلاسيكيه

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحـــث المتقـــدم
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

إعلانات الموقع