الســــلام عليكم
بــ ع ــد التـ ح ـية والســلام
خير الكلام ما قد قل ودل
واليــكم اليوم بعض الخواطر في قداسة الحب العظيم ...
وفي البعاد والسهاد وطول الغياب
وأبدء فيها فـ أقول:
ليت بعض الناس يفهم كم أبيه
ليت يدري كم أتوله عليه
لو نساه البال قلبي مانساه
نبض قلبي دايم ينادي يبيه
دايم مشتاق واتمنى لقاه
وأذا غفيت بوسط حلمي التقيه
كل عمري ياعرب والله فداه
وكل ما أملك أنا فدوة عينه
في خاطري لك شي ودي أقوله.
مدري تصدقني أو تقول كذاب.
قلبي يحسك دايم الدوم حوله!.
في كل دقةيذكرك ياأغلى الاحباب!.
تدري عليك الروح بالحيل توله!.
وتدري لحظه طيفك عن العين ماغاب!
اجمع أحزانك وهمك والعتاب
وهلها وسط صدري خلها
لا تخاف من الملامه والعتاب
دام أنا راضي سيوفك سلها
فدوتك روح تحبك ما تهاب
تتجه للموت لو تأشرلها
تمشي بشورك ولو هو خراب
لعنبو روح تعاند خلها
وطال الامد وقست القلوب كالحجارة فصار فتنازلت القداسة في الحب عن موطنها
فقلنا فيها :
لا تسأليني عن سبب كتم الآحزان
بس اسأليني عن غيابي وحضوري
لا تسأليني عن سبب دمع الآعيان
بس أسأليني عن دواعي سروري
لاتسأليني عن تصاريف الأزمــان
جبر الخواطر صار معنى حضوري
أجامل أحبابي وربعي والأخـــوان
أعطيهم الفرحه وأنا وسط أحزاني
لا تسأليني عن سبب كتم الآحزان
وأجبر كسور الغير وأهمل كسوري
أكذب عليك أن قلت غيابك شـيء عـادي
أضـحك وأنا مـن جـور الأيـام مجـروح
جـرح توسـط في حنايـا فـؤادي
وليـت الـجـروح ضيوف يـوميـن وتروح
بـعـثر ورقنـا هـالـزمن الرمـادي
وأصـعـب شي ع الأنسـان هـو غـيبة الـروح
انزف ياجرح الگلب وزيد الحزن احزان
وگطع شريان الصبر وحط باالگلب نيشان
قسمة ونصيب وقدرمكتوب احب فلان
بعاد المحب يابشر نار بوسط بستان
أهواك لأخر نفس ماينفع ألنسيان .
وتغيرت الصورة
واتضحت معالمها
فصار :
أصبر ياقلبي وأنتظر خلي الحزن مكتوم
كل المعاني تغيرت وأتضحت الصوره
صار الصدق في هالزمن مثل الوفا معدوم
ونفوسنا تجرحت والفرحة مكسورة
كل المبادئ تنشري واللي معاه يسوم
حتي المشاعر ارخصت والكلمة مهدوره
آسف إذا قلت لك انسي زماني
مو بيدي قلبي اليوم ناسيك
حبك نسيته يوم قلبك جفاني
أبعد وانا أبعد ولا لي بطاريك
شلون احب انسان طبعه اناني
لا ما يصير تبيعني وانا أشتريك
اتبع طريقك خليني في مكاني
يكفي جروح منك الله يخليك
ياما بكيتك الى ان دمعي نساني
ياما ترجيتك ولا فايدة فيك
الحين جيت تقول انسى عشاني
جابك زمانك بس اليوم
(ماأبيــــــــــك)..
وفـ الاخير أقول :
يمكن طيبتي غلطة!
تجازيني بها الأيام،
تعلمني أكون قاسي!
وأخلي عيونهم ماتنام،
أخذوا سيرتي لعبة!
وزادوا بي جروح وآلام،
نسوا انه الزمان يدور!
وانه ربهم علام،
مصير الدنيا تجرحهم
ويطعنهم كلام بسهام،
وســلامتكم .. :: ..
لوحة الشرف
المواضيع المتشابهه
:: خواطر من قداسة الحب العظيم ::
رد: :: خواطر من قداسة الحب العظيم ::
العرض العادي
