العراق فدرالي من قديم الزمان مع الاسف

**sizar** · 05-20-2008, 06:17 AM

كلمة صريحة شوية

بشديد الاسف اقول ان العراق منذ زمان هو فدرالي غير موحد دائما الانفصال موجود وكل طرف يسوي فدراليه وينعزل
بيها مع الاسف وهاي الحاله منذ زمان ولحد الان وفي كل مكان في ارض العراق
طبعا انا لا اتحدث من الناحيه السياسيه انما من الناحيه الاجتماعيه واقصد بالموضوع هو الزوجين من يعبرون الستين
كل واحد ينام بغرفه مع شديد الاسف كل واحد يسوي فدراليه وينام بيها ويعوف الوطن وهو غرفة النوم مالتهم هسه
شوف الجده مالتك والجدو مالتك ينامون بغرفة نومهم سويه ينامون في احضان الوطن الي هي غرفتهم الزوجيه
الجواب لا

اني من جنت اروح لبيت جدي مع الاسف بيبتي تنام بغرفة الجلوس تفرشلها فراش بالكاع وتنام وجدي ينام بغرفة النوم
وحده ومن اشوف هذا المنظر شنو يصير قلبي يعتصر من الالم وبعيوني دمعه واكول في داخل نفسي لا لا
اني مستحيل اسوي مثلهم من اتزوج حتى لو يصير عمرنه تسعين سنه انام سويه بغرفتنه نعم قابل اني اثول لا عيني
اني دافع مهر ونيشان تريد وره مايصير عمرها فوك التسعين بعد ماتنام بغرفتها لا بالله لو تطلع روحها ما اخليها
تنام بعيد عني الا بحالة وحده ترجعلي نص المهر واربع سوارات من النيشان لانه اني راح اجيبلها ثماني اسوارات
وترجعلي ترجيه وحده لانه اني جبتلها زوج من التراجي وترجع نص حلقة الزواج تقسمها بالنص نص اليه ونص الها
اذا تريد من يصير عمرها فوك التسعين تريد تعزل في فدراليه وتنام بيها وتعوف احظان الوطن اي غرفة النوم

هاي بكل العراق الزوجين من يعبرون الستين يستحون ينامون سويه بغرفتهم يستحون من احفادهم واطفالهم عبالك
الاحفاد مايعرفون شنو صار ايام الشباب لا عيني كلشي يعرفون بس ليش بعد كل هذا العمر ينعزلون المفروض
الزوج مايقبل بس الزوج حقير يكول شنو اسوي بيها صار حسمها وبشرتها نعال محروك مايرد الروح

بس ابو ستار الله يذكره بالخير خابرني يشكي من ام ستار ويكول هاي سوت فدراليه بغرفة الهول وكامت تنام
بيها وعافت احظاني واحظان الوطن غرفة نومنه تكول كبرنه هي عمرها 81 وابو ستار عمره 91 الا شهر
عاد اني كتله وتالي كال بكلت تحجي وياها بلكت تقبل كتله صيحها وصاح جميله جميله كتله اها اسمها جميله
كال اي كتله عاد اسم على مسمى كال منين هي اسم على مطي منيلها جنها خبزه محروكه كتلها ايباه وشماله
تتعزز وتنام بغرفة الهول صيحها

واجتي جميله كتلها شلونج حجيه كالت والله زينه بس شويه السكر والضغط ما مستقر وعندي الكسترول
شويه يصعد واليوريا صاعده والبارحه صار عندي فقر دم كتلها الحمد لله على كل شئ كالت الحمد لله
على الاقل احسن من ابو ستار هو عنده القلب تعبان والبارحه صارت عنده جلطه بالدماغ بس مو جلطه دبلماسيه
صارت جلطه جلد وخطيه هو تعرف عنده تكسر بالكريات الدم الحمراء والبيضاء والغده مالته هم كبرانه وهسه
هو حاطيله مغذي بيده بالبيت بس الحمد للله هو شنو يريد منك ابو ستار

كتلها حجيه انتي مثل اختي وابو ستار مثل اخويه هو اشتكى منج يكول ماتنامين بغرفة النوم عزلتي
وكمتي تنامين بالهول ليش هو يكول ليش علمود الحقوق الزوجيه وهو مريض وتعرفين قبل اسبوع
صار عنده عجز بالكليه وحكه بالمثانه والبواسير مالته يطكطكن من يمشي يعني شنو السبب ليش
يا ام ستار

جان تكول دقيقه هو يمي واكف خلي اصرفه حتى اشرحلك السبب وجان تصير ابو ستار فدوه بلكت اذب
ماي بالتواليت هستوني طلعت منها ونسيت اذب ماي روح ذب فدوه وانتظرها من تروح العبوه بالمجاري
اتاكد منها راحت بالفتحه مال المقعد اتاكد زين مو اني اليوم اكلت هواي جلاتين ويمكن راح اتجلب بالمقعد
ذب ماي هواي واذا مافاد ارضبها كله براسك مثل الكله مال يونس محمود في مرمى السعوديه في نهائي
كاس اسيا

وراح ابو ستار وجات تحجي اني قاطعتها كتلها ام ستار فعلا مثل ماكال ابو ستار انتي اسمك جميله
واسم على مسمى بالظبط جان تكول هو هيج كال بس اشو هاي بالظبط مامرتاحه الها المهم شوف
هو ابو ستار شفته جاي مقويات حبوب زرقاء اللون واني اعرفها شنو هي بس هو يكول لا هاي
فيتامين سي علمود العظام عباله اني مطيه جان اقاطعها واكلها هي هاي بالظبط الي جنت اقصد بيها
كملي جميله وجان تكول واني خايفه عليه اذا يبلع وحده وره خمس دقايق يصير جثه هامده وهماتين
مجهولة الهويه لانه جايب حبه زرقاء ابو 100 ملغ نوع امركي اصلي وهو مريض كلش فما يصير
اني سئلت السيد الاعرجي ابو التيار الصدري وكال تره هاي مو زينه اتسوي صولة بالقلب ويوكف
ولهذا اني قررت اسوي فدراليه واعزل روحي وما انام بغرفة النوم مالتنه حتى لا ارى القرد ولا القرد
يراني

بس حالة ابو ستار وام ستار استثنائيه معليكم بيها اني اطلب من كل عضو بالمنتدى ان يحجي وي الجده
والجدو مالته ويقنعهم بالرجوع الى احضان الوطن وغرفة نومهم وماكو داعي للفدراليه والعزل كل واحد
ينام بغرفه ليش اوربا والغرب حتى لو عمرهم 100 يبقون ينامون بغرفتهم ليش ليش خلاص تعبت كافي

**★ حاقد جدا على النساء ★** · 05-20-2008, 03:21 PM

اني من جنت اروح لبيت جدي مع الاسف بيبتي تنام بغرفة الجلوس تفرشلها فراش بالكاع وتنام وجدي ينام بغرفة النوم
وحده ومن اشوف هذا المنظر شنو يصير قلبي يعتصر من الالم وبعيوني دمعه واكول في داخل نفسي لا لا
اني مستحيل اسوي مثلهم من اتزوج حتى لو يصير عمرنه تسعين سنه انام سويه بغرفتنه نعم قابل اني اثول لا عيني
اني دافع مهر ونيشان تريد وره مايصير عمرها فوك التسعين بعد ماتنام بغرفتها لا بالله لو تطلع روحها ما اخليها
تنام بعيد عني الا بحالة وحده ترجعلي نص المهر واربع سوارات من النيشان لانه اني راح اجيبلها ثماني اسوارات
وترجعلي ترجيه وحده لانه اني جبتلها زوج من التراجي وترجع نص حلقة الزواج تقسمها بالنص نص اليه ونص الها
اذا تريد من يصير عمرها فوك التسعين تريد تعزل في فدراليه وتنام بيها وتعوف احظان الوطن اي غرفة النوم

هههههههه ايسر

طبعا للموضوع قراتين الاولى بصيغه فكاهيه

الثانيه بصورة حزينه جدا

انا افضل هكذا صيغ لايصال الفكرة

للعلم لي العراق فقط

العراق = الوطن

بل اهل العراق وشعب العراق

يصنعون الفيدراليه داخل منازلهم من قبل ان نعرف ما هي الفيدراليه

على سبيل الفرض

حين يتزوج احدهم يستقل عن اهله

انا لست ضد هذا فمن حق كل شاب ان ينعم بجو هادئ ويكون اسره معزوله لكن

هل يعقل ان يترك اهله ؟؟ هذا صلب الموضوع

يترك اهله ويترك امه وابوه

لا باس انك تكون اسرتك بعيدا عن هذه الاسرة الاكبر لكن لا تنسى امك ابوك اخوتك

والان ما يحصل للوطن هو نفسه يحصل في الاسر والخلايا المجتمع

دمت كما انت مبدع ذكي رائع

بالنسبه الزواجك ها شفت لمن فصلتك من حزب الحاقدين ادري بيك تفكر بالزواج واخاف على الحزب بسبب تفكيرك المرعب ههههههه

تفكيرك بالزواج بقانون الحاقدين = فكر ارهابي بحت

ههههههههههههههههههه

اخوك باسم التميمي

**sizar** · 05-20-2008, 07:27 PM

باسم اني متزوج وعندي اطفال ت44

بعد ما فكرت بالفيدرالية رغم تنقلاتي وسفري
تارك عائلتي يم اهلي

مشكور عالمرور وعالفصل ههههههههههههههههههههههههههههه

**أنـ,ـيـ,ـن القـ,ـمـ,ـر** · 05-21-2008, 05:07 PM

الرآقي أيسر

بدآية أحييك على اهتمآك بمثل هذآ الموضوع
وطرحك له بتلك الطريقة الرآئعة
والتي امتزجت فيهآ روح الفكآهة بمحور النقآش
لتلطف من حدته وتخفف من صورته المحزنة

أرى أن مرور الزمن يزيد من ارتبآط الأشخآص ببعضهم البعض
وليس العكس خآصة وإن كآن هنآك ود وترآبط
و درب طويل من المشآركة بكل ما تحمله من سعآدة وألم

ومن يستنكر لمثل تلك الأمور وينحيهآ جانباً
فإنه بلآ شك جآحد وتلك هي مشكلتنا هذه الأيآم

الكل يصبو لرغبآته الشخصية دون النظر إلى الآخر
تلاشى مفهوم الوحدة والترآبط لتحل محله الأنآنية وإيثآر النفس

وتأكد أخي أنه بقدر مآ يحمله القلب والنفس من صفآء
ورغبة في إفشآء المودة والترآبط
بقدر ما سيحظى بالسكينة والتآلف

ومآ ينطبق على الخلية ينطبق على البنآء الكبير
أي أن الأسرة ومآ يسودهآ من علآقات
تعد المثآل المصغر الذي يتشكل منه الوطن الأكبر

دمت على رقي طرحك وبهاء فكرك

لك أرق التحية

عطر و ورد

**sizar** · 05-22-2008, 12:02 AM

المشاركة الأصلية كتبت بواسطة أنـ,ـيـ,ـن القـ,ـمـ,ـر

الرآقي أيسر

بدآية أحييك على اهتمآك بمثل هذآ الموضوع
وطرحك له بتلك الطريقة الرآئعة
والتي امتزجت فيهآ روح الفكآهة بمحور النقآش
لتلطف من حدته وتخفف من صورته المحزنة

أرى أن مرور الزمن يزيد من ارتبآط الأشخآص ببعضهم البعض
وليس العكس خآصة وإن كآن هنآك ود وترآبط
و درب طويل من المشآركة بكل ما تحمله من سعآدة وألم

ومن يستنكر لمثل تلك الأمور وينحيهآ جانباً
فإنه بلآ شك جآحد وتلك هي مشكلتنا هذه الأيآم

الكل يصبو لرغبآته الشخصية دون النظر إلى الآخر
تلاشى مفهوم الوحدة والترآبط لتحل محله الأنآنية وإيثآر النفس

وتأكد أخي أنه بقدر مآ يحمله القلب والنفس من صفآء
ورغبة في إفشآء المودة والترآبط
بقدر ما سيحظى بالسكينة والتآلف

ومآ ينطبق على الخلية ينطبق على البنآء الكبير
أي أن الأسرة ومآ يسودهآ من علآقات
تعد المثآل المصغر الذي يتشكل منه الوطن الأكبر

دمت على رقي طرحك وبهاء فكرك

لك أرق التحية

عطر و ورد

تحياتي للغالية انين
حقيقة هناك واقعية في ما قلتيه ومبادئ جميلة لا يمكن التخلي عنها
ولكن للأسف فان هناك من يسمي كثرة التالف والمودة بسبب طول العشرة والعيش جنبا الى جنب يسمونه تعود وذلك يبرر لهم التصرفات المشينه الي تسبب الشخص عن الاخر وبنفس الوقت القرب بينهم بزعم التحصيل الحاصل والعشرة والتعود ولا اتمنى ان يحصل هذا بالعراق لان الي اريده اعبرله بحور الدنيا والما اريده لو عايش برئتاي اتخلص منهن لعيون اخلص منه

تحياتي مرة اخرى ... مرة لو رجال ت10

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحـــث المتقـــدم
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صور من العراق	وطن الغربة	رحلة حول العالم	3	06-03-2008 09:00 PM
لاني بندمان على كل مافات.اخذت من حلو الزمان وردية..!!	زيدوني من غلاهـ	ماسنجريات	6	04-30-2008 12:30 AM
::ليتنا مثل الاسامي ...مايغيرنا الزمان!! ::	۩ ۩\|[− ألقيصر −]\| ۩ ۩	زوايا عامة	4	04-10-2008 04:16 PM
قصيده عن العراق ورجل العراق	فـ الـ ع ـراق ـتى	ديباج الفصيح	0	04-06-2008 10:54 AM

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات مشتركة