اكيد كلكم تعرفون قصة ليلى والذئب بس هاية قصة جديدة 2008 ان شاء الله تعجبكم
ايكلك من كبرت ليلى وصارت سادس علمي جانت شاده حيله (بحبل سري) وجانت تتمنى تدخل طبية بس حرامات مكدرت تقرة زين ومكدرت تنقل بالامتحان والمدري واكف على راسه فسوده عليه مكدرت تفوت طبية بس انت مصرة على حلمها ففاتت طب بيطري
وليش مو فد يوم اجاها الذيب ديصارحه وكللهه
الذيب: ممكن اخذ من وقتج 5 دقايق
وبما انه ليلى جانت كريمة عادين كامت ونطت للذيب ساعته جان الذيب يكوللها: لا لا اني قصدي اريد احجي وياج بموضوع هام
ليلى: همينه مخلص حجيك عاد شتريد بيبيتي وماتت ويعني بعد مااروحله وماوديله كيك من الطاحونة شتريد مني بعد دتشوفني ماشيه بحالي اي دعوفني عاد
الذيب: لا ماتت بيبي (ويكول بقلبه هله صارت هم عروسة هم ورث) الله يرحمه جانت خوش مرية فتحتلي الباب بسرعة وبوكته حتى منو مكالت
ليلى: فضني شتريد
الذيب: ليلى مو اني من اليوم الي شفتج بي بيت بيبيتج حبيتج واني مداانام(البك كتلني) ومدااتحمل حبيتج من اول بوعة
ليلى: صدقه.... وتريدني اصدك بيك اصلا اني ماعندي ثقة بيك ابد انت قشمرتني واكلت بيبيتي والكيك وتريدني اصدكك
الذيب: ادري انتي هسة دتشكين باخلاقي بس شسوي اني الي سويته ويه بيبيتج كان غصبا عني اني دكيت الباب واني كلش جوعان وجنت متوقع راح تطلعلي حده حلوه وسمينه حتى هم يكون عشه وهم يكون دسم وطيب بس من شفت بيبيتج مجنت متوقع راح تطلعلي وحده نواشف
ليلى: زين ومن قشمرت عليه بكلامك تذكره لو لا
الذيب: لا والله مدااذكر بيومه جان بالي يم الكيك
ليلى: من كتلك اشو عينك كبار كلت حتى اشوفج زين.. وكتلك اشو خشمك بير كلت حتى اشتم ريحتج زين..وكتلك اشو حلكك جبير كلت حتى اعلف زين
الذيب: اي والله حقج واني هسة حوضحلج كلشي عيوني جبيرة لانه ابوي صيني وامي عراقية وخشمي بير لانه بصراحة نت العب بيه هوايه فتمدد بالحرارة وانتضرت الشتاء حتى ينكمش بس ماكو بالعراق شتاء بس حر فبقى هيج خشمي اما حلكي فهذا مو صوجي صوج الطبيب الجابني للدنيا جانت ولادتي متعسره فجرني من حلكي وتدرين ابوي made in china فجولك حلكي من الطفولة
ليلى: هسة شتريد مني
الذيب: ليلى اني احبج واريد اتزوجج..
ليلى: واني مااريدك وميعجبني ارتبط بهيج واحد مثلك مو من مستوايه
الذيب: ليش شبيه...اشو حيوان وابن حيوان مفترس ماكل بس لحم وحوسمت الزوراء كلها مبقيت شي بحديقة الحيوان مااخذته اصلا اني هسة عندي zoo خاصه بيه
ليلى: حتى لو تصير ابن الرئيس وتملك كل شي مااريدك اني بصراحة لو اتزوج قيس لو كاظم الساهر
الذيب: قيس شنو هذا من الجاهلية يعني بعده طفل.... ثانيا كاظم منين يباوع عليج
ليلى: لك قيس المعاجبك ابو القصائد وكاظم الساهر يموت عليه حتى غنه اغنية علمودي اسمها انا وليلى
الذيب: اني هم شاعر وهم اغني مسامعه اغنيتي بستار اكاديمي زعطوط جنت وانتي هم زعطوطه وحبنه كبر بحركات الزعاطيط وبين النجمه والكمر كبر حبنه وازدهر لعيونج ليلى اعوي لوقت الظهر
اما عن اشعار فهم اطربج بيه
ازرع اسمج بالكاع نحصد لهانه هيج اللي يحب ليلى يعيش بمهانه
ليلى: انطيني مهله افكر....

شتكولون شراح يصير؟؟؟؟وشنو حيكون موقف ليلى؟؟؟ هل حتضرب الذيب المسكين بوري؟؟؟؟؟ بعد بكيفكم انتو كملوه

مع تحياتي د.كاردينيا

د. كاردينيا

سررت بعودتك !! جان بالي عليج .
توقعت بان دروس الكليه وقرب الامتحانات !! كان السبب ..
على كل حال
القصه كلش حلووووووووووووووه .. ويمكن ليلى هم راح اتخونها عيناهامن الذيب . بقصة انا وليلى
وتروح اتحب الثعلب !!!!!!!!!!! مو بالله ؟؟؟؟؟؟؟؟؟
وهم ترجع وتتوسل للذيب وتخرب في قاعة الكليه امام الطلاب عندما
يعود الذيب ويقرا قصيدة ((( انا وليلى )))
ههههههههههههههههههههههههههههههههههههههههههههههههه
والله عندج فد مواضيع كلش حلوووووووووووووووووووووه

تقبلي مروري واتمنى لك النجاح في دراستك

-------{}-- كاردينيا --{}-------

هههههههه

روعهـ صدك هاي ليلى والذئب اخر اصدار لووولـ

عاشت ايدج عزيزتي

كوني بالـ قرب