ربيتج ورد كل لحضه تحلـــــين
أسم الله على گلـــــبج لا تخافیــــــن
بغداد وعليمن لابسه الضيم
العراق انه العظيم وانتي تدريــــــن
أسد عين الشمس لو جاسج الخوف
وتصير سيوف دمعات المساكيــــن
لبست المجد لجدامچ حجول
وصغت الشدايد كحـــــلت العيــــــن
غطيت الجرح بهدوم الزغار
ولزگهن جثثهم عالحياطيـــــــــن
ماريد الزعل يم عينچ يبات
وبحظان القصف ليليــــــه تغفيــــن
وما ريدن على الذل اهلج تبات
وتصير سيوف لحلـــوگ السچاچین
وکافی من الکرم مایشبع الموت
یرید سبــــاع منچ وانتي تنطيـــــن
خضر ورد دمنه بگاع الاحلام
وقطفتنه المشانــــق والزنازيـــــــن
گبر احلامنه وموته الیداعون
وعد راسه سور تقـــــــره الشياطين
سعفه افراحنه وهذا الحزن ريح
وخمر دمنه وسكر ليـــــــل السلاطين
الحريه غيمه وتمطر رمـآد
وصوت الشعب شتله معاشره الطين
الصبر يم الثكاله على الملمات
الصبر مل واعرفـــــچ ما تملیـــــــن
مدام بوسط گاعچ كاظم الغيض
انسي الخوف كــلـــه ولاتخـــــــافين
وايسي من العروبه رعب وارهاب
ضلت عالعرب ضاعــــت فلسطين
يا بغــــــدآد اهلنه الكرم والطيب
اهل الشرف والعز والدواويــــــــن
ماقصرنه لحظه وضيفنه الموت
جرحنه الدلــــــــــه والدم الفناجين
تـــحــيــآتـي
|
 |
أنــآ رجـل لآ أنــ ح ــنــي عـلــىآ شـيء سـقـط مــن نـظـرٍي |
لوحة الشرف
::.. ربــيــتــج ورد يــآبـغـدآد ..::
رد: ::.. ربــيــتــج ورد يــآبـغـدآد ..::
العرض العادي
