الهارد ديسك المجانى سعة 2 جيجا وووصل خش الان واحصل عليه وخزن ملفات

**anes121** · 06-04-2008, 08:20 AM

السلام عليكم ورحمة الله وبركاته

هل تخيلت مره ان يكون عندك فلاش ميمورى مجانا او حتى هارد ديسك صغير اوى فى الحجم ومساحتو 2 جيجا تقدر توصل له فى اى مكان وتنزل منه اهم ملفاتك اللى ديما بتحتاجها؟ مممم افرض مثلا مثلا يعنى لو انت عندك ملف او فيديو او اغنيه او تكست او ملف السى فى بتاعك او ملف فيه باسورداتك وكلمات مرورك وغيره والملف ده مثلا فى الهارد بتاعك او فى كمبيوتر الشغل او اى مكان مهما كان ومحتاج الملفات دلوقت دى وانت مش بعيد عن كمبيوتر البيت او حتى الشغل يا ترى هتعمل ايه؟ لو معاك فلاش ميمورى زى ما كنا بنقولك هيوفر عليك كتيرررررر اوى طيب انت عشان تجيب فلاش ميمورى محتاج تشترى وحده صح؟ وممكن تبوظ صح مفيش شئ بعيد طيب من غير رغى كتير

دلوقت هتاخد فلاش ميمورى مجانااااااا
ايوه مجانا على اقوى شركه اجنبيه هتقدم لك الخدمه دى
شكلك بدئت تقلق

اقولك ما تقلقش هفهمك الموضوع ببساطه دلوقت اى موقع على الانترنت عشان يديك مساحه ترفع عليها ملفاتك المهمه او اغانيك او فديوهات او اى شئ من ملفاتك اولا ما بيعدش طول العمر الملفات دى مووجوده ثانيا لازم كل فتره ملفاتك اللى رافعها حد ينزلها مثلا لو ما حدش حملها او ما دخلتش على حسابك مده معينه هتلاقى حسابك اتغلق لكن مع موضوعنا اليوم وداعا لكل هذه المعاناه
اولا مميزات الفلاش ميمورى او المساحه على الشركه العالميه دي
اولا

هتقدر ترفع اى نوع من الملفات على الفلاش ميمورى او الهارد ديسك بتاعك فى الشركه دى طول العمر وما تخافش على ملفاتك او صورك الهامه او الشخصيه دى موقع محترم وكل شئ متامن عليه
ثانيا

هتقدر تشير اى شئ لاى حد من صحابك او قرايبك او اى حد تقولى ازاى؟
اقولك افرض مثلا انت عندك صوره شخصيه ليك او لعائلتك او لاى احد او مثلا اغنيه نادره او اى شئ مهما كان تقدر تبعت لينك لصحابك ينزل الاغنيه من رابط مباشر وبسرعه كبيره
وكمان تقدر تبعت لاكتر من شخص رابط التحميل للملفاتك دى وكلهم هينزلو وبامان برضو يعنى مفيش داعى دلوقت انك تنقل اى ملف كبير على المسنجر الياهو او الهوت ميل وتفضل فاتح كل الوقت ده عشان صحبك ينقل مثلا الاغنيه الموضوع هنا اتحل
ثالثا

هتقدر فى اى مكان فى الدنيا كلها تخش على الهارد بتاعك فى اى وقت واى مكان واى زمن يعنى لو سافرت تقدر تخش على الهارد بتاعك وتنزل الملفات بتاعتك المهمه بكل سرعه وبساطه
والاحلا من كل ده انه مجانى ومهما غيبت عن فتح الهارد هيفضل شغال طول العمر باى وقت هتخش هتلاقى ملفاتك موجوده مستنياك بكل امان يعنى ملفاتك فى بيرر

طبعا كان لازم البدايه دى عشان بس تفهموا ودلوئت نيجى للشرح اللى مفيش ابسط منه
امشى معايا خطوه خطوه كل شئ مشروح بالصور وكله سهل
اولا اضغط على الرابط التالى عشان تبدا بخطوات الحصول على الهارد المجانى

www.diino.com

هتظهر لك صفحه اعمل كما موضح بالصوره التاليه

ثم املئ بياناتك كما بالصوره التاليه
اهم شئ تضع ايميلك صحيح عشان تقدر تستفيد بالعرض

ثم
اول ما هتملى بياناتك صح وهتضغط على زر كونتنيو هتظهر لك الصفحه التاليه

بيخبرك ان تم الاشتراك بنجاح وفاضل اخر خطوه وهى انك تفعل اشتراك عن طريق الايميل اللى بعتهولك على ايميلك اللى سجلت بيه
خش على ايميلك وهتلاقى ايميل جي منهم لو ما لاقتهوش فى الانبوكس هتلاقيى فى الجانك ميل ودى صورة الايميل اللى وصلى عند اشتراكى

افتحو هتلاقى جواه رابط دوس عليه مثل الصوره التاليه

اول ما هتدوس عليه هتظهر لك صفحه هتقولك الف مبروك انت كده اشتركت تمام وهتدوس على الرابط اللى فيها عشان تحمل البرنامج اللى هيدخلك على الهارد بتاعك اون لين زى الصوره التاليه

بعد ما هدوس على الرابط زى الصوره اللى فاتتت هتظهر لك مثل الصوره التاليه

هتضغط زى الصوره الماضيه وهيبدا معاك بالتحميل على طول هو صغير يدوبك 3 ميجا

وبعد ما يحمل وكل شئ تمام اعمل انستول للبرنامج اللى هينزلك وبعد ما يتركب على جهازك البرنامج هيكون بالشكل ده

دخل زى الصوره الماضيه فى مكان اليوزر نيم اسم المستخدم اللى سجلت بيه عند تسجيلك
والباس ورد او كلمة المرور برضو اللى سجلت بيها عند اشتراكك اول مره ولما تخش هيظهر لك الصوره التاليه

دلوقت تقدر ترفع ملفاتك من جهازك الى هاردك على الانترنت من خلال البرنامج اللى نزلته وتقدر برضو تخش على حسابك فى الانترنت تشوف ملفاتك لو معكش البرنامج على الجهاز لو انت فى اى مكان او مسافر والصوره الماضيه فيها شرح والامر سهل ترفع ملف او ترفع فولضر او تعمل فولضر جوه الهارد بتاعك
اتمنى يكون الشرح عجبكم يا شباب
تحياتى للجميعـ

**لي هم انت صاحبه** · 06-04-2008, 03:25 PM

مشكور عيوني على الموضوع الجميل

وشكرا لك على الشرح الوافي

وحسن الاختيار في المواضيع

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحـــث المتقـــدم
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الاتصال المجاني عبر الانترنيت	العراقية	الكمبيوتر والانترنيت	14	12-20-2008 02:39 AM
برنامج ترى سايز بروفيشنال لتقسيم الهارد باحتراف	لي هم انت صاحبه	الكمبيوتر والانترنيت	2	02-21-2008 09:10 PM
اكتشف ملفات الانترنيت في جهازك	لي هم انت صاحبه	الكمبيوتر والانترنيت	2	02-08-2008 12:01 PM
برنامج الاتصال المجاني	عجائب الدنيا	الكمبيوتر والانترنيت	1	01-17-2008 04:04 PM

الذين يشاهدون محتوى الموضوع الآن : 1 ( الأعضاء 0 والزوار 1)