مثلك مالكينه ومااظن نلكه
عراق وبيك هذه الروح متعلكه
شبكني العشك بمحبتك وهنياله اليعيش ابروح متشبكه
عراق وياوطن مثلك حمل الام وتحده المنايه ومانكر عشكه
تحزم بالامل ماطاح من الضيم مدطوله اعل جرحه وجلب بعركه
الاصيل شما تعب حيله يرد اردود وشلون الكديش بلحكه ويسبكه
اذا انكلبت الدنيا وما بقت كيعان بس انته التظل ياعراقنه وتبقه
ويظل وجهك شمس تغزل ضواهه اشعار وبنص السما بكل حين متعلكه
ويظل صوتك ضمير لكل الشعب مظلوم مابكدر عليه الطاغي ويخنكه
احبك واليحب همه وعذابه ايزيد لوطالت عليه وزادت الفركه
جرحك بالقلب ما طاب من سنين والليالي البعد عن دجله اتغمكه
يابحر الموده قلبي بيك ايفوج اتوسل ابروجك بلكت ايغركه
هنياله اليموت بارضك وربحان لان ارضك حنينه بكل وفه اتشبكه
اتواخذت الحك عليه
ياعراق الموت يمى
وانا وحدي شلون بيه؟
ياعزيز احلام روحي التفن ابجف المنيه
ساعه ويفاركني صوتي
كون اشوفك كبل موتي
جا رجع عمري لشبابه ورد عمر ثاني لاديهه
ياعراق
وداعتك ماهمني موتي انا المعذبني همك
موحرام انموت لكن الحرام انموت غربه بعيد عنك
لااهل لاربع يمنه
لاكصبنه ولانخلنه
ليش ساكت ياوطنه ماتريد انموت يمك؟؟
يامنيه اتمهلي ابروحي ثوان
انا كل الي اريده تلث اماني
الاولىاشمن شيلة امي وكل اثر منعدها باقي
الثانيه بدرب الحبيبه ازرع ازهار اشتياقي
الثالثه بكل دمعي اسلم عل عراق وكل عراقيه وعراقي
لوحة الشرف
المواضيع المتشابهه
يــــ عـــراق ــــا
رد: يــــ عـــراق ــــا
العرض العادي
