مرحبا احبتي .. دعوني اولا اقدم التبريكات الى العنابي القطري بفوزه على اسود الرافدين واقول له الف مبروك
أما بعد .......
مراح اتكلم فصحى لان والله دمي محروك واريد احجي بالعاميه العراقيه للوصول الى كل شرائح مجتمعنا العراقي .. كنا لمن نلقي اللوم على المدري يقولون علينا انتو العراقيين دائما لمن تخسرون تلقون اللوم على المدرب وتقيلو والان دعوني اوضح لكم وبالدليل القاطع ومن متابعتي لأسود الرافدين من بدايه حياتي والى الأن
أولا تحياتي الى عدنان حمد مدرب بطل لكنه اثبت فشله وفشله الذريع بقياده منتخب اسود الرافدين ... لاسباب عديده ... والله اني ما اعرف شكول بس اصور كل متابع رياضي يفكر بنفس التفكير يلي اني افكر بيه .. يعني ليش منتخبنا دائم الاعتماد على تشكيله معينه قصدي ليش اللاعبين ضامنين انهم سوف يلعبون بكل مباره لاسود الرافدين وقصدي اتمنى محد يفهمني غلط ولكن اني قصدي انه يجب ان يكون لنشأت بديل وليونس بديل ولهوار بديل ولنور بديل ولكل لاعب عراقي يجب ان يكون له بديل في حال كان عطاءه غير جيد في مباراه من المباريات والحمد لله لدينا لكل لاعب بديل على سبيل المثال لدينا بديل لنشات وهو كرار صانع الالعاب وابو الهيل لدينا بديل لخطوط الدفاع سامال سعيد واحمد كاظم المبده بالدوري الايراني لدينا بديل لمهدي وهو اللاعب علاء عبد الزهره هو مهاجم ويصلح جناح ولدينا بديل لهوار وهو سامر سعيد ( عبالك حبيب جعفر بس صغير ) ومن الناحيه الهجوميه لدينا بديل ليونس وهو رزاق وعماد ومصطفى كريم وايضا علاء عبد الزهره يجب ان يكون هناك منافسه بين لاعبين منتخبنا الوطني للحفاظ على مراكزهم يعني اذا كان مهدي لا يقدم مستوى جيد في مباره من المباريات لا يسحب وينزل بديله سامر سعيد لكي يزرعوا روح المنافسه بين اللاعبين ... علما ان كل الاسامي التي ذكرت لم تسحب ما عدا مصطفى كريم وعلاء عبد الزهره .
أين جاسم غلام ؟!
هل احسن مدافع بأسيا مستواه هبط الى درجه لايستطيع بها المشاركه بالمباريات لو هناك اكو عداء بين عدنان حمد وجاسم وهذا دليل عدم سحب غلام طول فتره ماكان حمد مدرب لمنتخبنا علما ان غلام من دفعه يونس ونشات وعماد .
وهذا ميعني انو بس حمد مسئول لا .. المسئول الحقيقي هو حسين سعيد يلي يبخل على فيرا الي طلب منه مليون دولار لبناء منتخب قوي على جميع الاصعده الناشئه والشباب والأولمبي والوطني وتدريبه بمدربين برازيليين اصحاب كفائات كبيره .. علما ان ابطال اسيا فازو بمبلغ قدره 6 ملايين دولار .. اين هي هذا المبالغ !!!!!!!!!!!!!
كبل جنى نكول لفيرا انو البخت ويا لجى لكن هذا الوكت اجه يلي نترجم بي على ايام فيرا البطل يلي شاهد خسارتنه والدموع بعينه املت .... مانكول شي الا بارك الله بيك يا حسين سعيد وان شاء الله قصرك الثالث يلي بالاردن يكون قصر مشرف وعكبال القصر الرابع وخلي 30 مليون عراقي من كل العالم يبجون دم على خساره الفرحه والضحكه ... وصدك صدك خلف الله عليك فيرا
والله انك عراقي اكثر من هواي ناس عراقيين بس بالهويه .
تحياتي لنور وباسم وحيدر ورحيمه وقصي وهيثم ومهدي وهوار ونشأت ويونس وعماد وغلام وكل الابطال وكوللهم شعبنا كله وياكم يا أبطال والله يخلصنه من اتحادنا الدكتاتوري لانكم ابطال بس تحتاجون الى الفرصه .
شيــــــــــ مع اسود الرافدين ـــــــــــــطان
لوحة الشرف
الى متى يا اتحادنا ؟؟؟
العرض العادي
