 |
 |
|
 |
 |
 |
||||
 |
 |
 |
|
 |
| أعلانات | |
|
|
|
|
|
|
 |
 |
 |
 |
|||||||||
|
||||||||||||
 |
 |
 |
 |
 |
||||||||
| همس القوافي وبوح الخواطر ღ لكي نرتوي من ماء أحاسيسكم العذبة انثروا اختياراتكم ورودا من الإبداعات المميزة للشعر والقصائد التي لا تنسى ღ |
 |
|
|
أدوات الموضوع | إبحث في الموضوع | طرق مشاهدة الموضوع |
07-05-2008, 07:47 PM
|
#1 |
|
•| مشرف السيارات و المحركات |• 
|
مكتبة انت عراقي
اقسام والوان الشعر العراقي
يكتب الشعر الشعبي العراقي بطرق عديده منها القصيده بانواعها كما سوف يأتي ومنها
أبوذيه والدارمي والزهيري والنصاري والهوسات أي الاهازيج والنايل والعتابه والهجع والتجليبه وهذه نبذه مختصره عن كل ماتقدم القصيده تكتب القصيده كما يلي _1 الكلاسيكي يبداء بمطلع القصيده منشطرين مثلا ياطيف الحبيب إبعيد عني إبعيد مالك دوم جدامي مالك بالفراكَ الروح ذابت والدمع دامي ـــــــــــــــ مالك شو تراودني يطيف أفكار من هل ويل مالك متشوف الحال مني إولا تشوف الحيل مالك كَمت أكابر غاب عن عيني الوسن بالليل صِرِت ماافهم إمن أفهم كَرب من يبطي إعدامي ــــــــــــــــــ وهذاالنوع من الشعر عاده مايكون مغنى وهناك من هذا الشعر ايضا عدة انواع سوف نتطرق اليها في المستقبل ------------------------ 2_ العمودي وهو ايضا يكتب بعدة انواع واوزان مثلا كافي من غدر الهوى كافي من لعب الجهال كافي خل اصحه الزماني مابعد احمل دلال هذا نوع وهذا اخر سلامات اعلى طولك من حسود العين واسمي يحرسك من مرض واوجاع َمنـَه ابلياك واحد ونشطر نصين هِرِش صفصاف لونَسَ مهبوب إنصاع ----------------------------------------- 3_الابوذيه يكتب من اربعة اشطر ثلاث منها تاخذ جناس واحد أيالكلمه الاخيره هي كلمه واحده ولكن لثلاث معاني والرابط الاخير مختلف ولمناخر كلمه فيه يجب ان تكون اخر حرفين (يه) مثلا (حوريه ) الخ وهذا بيت ابوذيه كامل وهذا للغناء يكتب حرت بسرارهم كلهم ومرهم جم مره تبت منهم ومرهم عذاب الي يجي منهم ومرهم احله من العسل طعم اليه 4_الدارمي شطرين فقط مثلا يحله المسامر بيج والعرس محلاه...طولج غصن ريحان واتمايل وياه --------------------------------- 5_الزهيري ناديت يا باالحسن وكت الضنايك علي يالدين بيك اكتمل وارتفع حلـﮒ علــي ماخاب من يـﮔـصدك والله العليم العلــي مسرور من يـﮔـصدك باسم يحيــدر يرد حتى الـذي مامـلك فايز بحبـك يـرد اليهواك ماينحرم من الحوض باﭽـر يـرد لعداك طيبه وكرم ﭽـيـف اليحبك علــي -------------------------------- 6_النصاري هنالك نوعين من هذا الشعر النوع الاول هو تاخذني الافكار بعيد لبعيد ---- و على المامش ابات و حسبتي تدور و اشبّن للسمه السابع و لا اهيد ---- و احس العمر خشبه بحلـﮒ تنور مجروح و دواي بحلـﮒ عربيد ---- مهموم و ضحـﮔـتي بوسط زاغور ادوّر عن ﮔـمر و الـﮔـمر شيفيد ---- اذا ذبحوا ضواه و باﮔـوا النور ----------------------------------- النوع الثاني هو روحي اتواخذت يالماتحن الهه مثل عودة زرع راﭽـبهه منجلهه * * * رﭽـبهة المنجل وحاصود لاويها والف عونة حصاد اتهوس اعليها تكولب مال حاضر صبخة حريها وغدة ايضيع الفرس ريعان عاذلها --------------------- 7_الهوسات يافرحه ازفهه اليوم الك ياغــنوه اغنيهه وروحي من الفرح طارت ومدري وين الكَيهه الك فرحة يشعبي اليوم والتاريخ يحجيهه ها صديم ولّه اصديم وصار ابمزبلت التاريخ --------------------------- 8_النايل تشهدله وقعة بدر تشهد احد بسمه للحمزه صفحة فخر متسجلة بدمه ............. من اجل اشرف هدف مرسومه خطواته همه وبساله وشيم مترسخه ابذاته قوه واراده وعزم تشرحها غاياته وجدانه طود انتصب يحرس نبي الرحمه ---------------------------------- 9_العتابه امم ماكَدرت تحصل مجد مثل ما حصله جون العبد ------- عبد لاجن بلغ هل مرتبه لبس تاج السياده والابه هتاف التضحيات يخاطبه مثل جون العبد ماينوجد _______________________ يكتب الشعر الشعبي العراقي بحالات كثيره منها الغزل المسيس أي السياسي الحِسكَه وهذه لغه خاصه بأهل الجنوب تستعمل اكثر الاحيان للشعر أي ان الحسكه يعني كتب شيء هو مفهوم حسب كلماته الوارده الا انه له اكثر من معنى حسب الظرف والزمن والمكان الشعر الكمر بديل الها الكمر لوشمسي ساعة تغيب بس انت إن غبت ياهو بديلك؟! يبو طول الحلو بوصفك تعبت الناس من شيل الحسن ما تعب حيلك؟! بقالب هالبشر الله حط عيون وانت بقالبك بدرين منطيلك اذا دمعك نزل بسرعة شك الليل من ثوبه جزء سواه منديلك واذا يطفى الضوة ويصعب عليك الشوف الكمر ينزل الك ويصير قنديلك ولو تمشي احسّك انت واكف بس هي الكاع من جواك تمشيلك واذا مرة احزنت من يمة يبجي الليل ومثل جري الدموع نجومة تجريلك انت مو حلو هواي اكو حلوين جميل انت وابد ماكو مثيلك يبخت امك حبيبي وبخت اهلك بيك وبخت كلمن كعد لحظة مقابيلك الفرات ودجلة صارو بس الك يجرون واسد بابل تحرك كام يغنيلك وهناك بمصر اختفى نهر النيل وبلحدود انلزم رايد يجيلك وهناك بمصراختفى نهر النيل وبلحدود انلزم رايد يجيلك للشاعر احمد العبادي ************************************************** **************** ((بس الك يحله الغزل)) بس الك يحله الغزل والغزل بس بسمك حله يا ورده بجتاف الجرف يا احله من ريم الفله يا عمي درحمنه ولك يا من جمالك مشكله يا معجز كل اهل الوصف يا احله من كل امگذله الگمر منك يستحي ومن تطلع انته تخجله انته مثل قرص الشمس بالعين ما ينصد اله ولمن اشوفك انخبص يامن نظرتك قاتله ولساني بحلگي ينعگد وگلبي يندهلك هله وگلبي يندهلك هل ************************************************** ************************************************** ********* ليـــــش أجـــــــــــــيتي غزل تالي العمر ------------------------------------------------ ليش أجيتي وفززيتي جروح گلبي ألغفن من عني بعدتي ..........ليش أجيتي ؟؟ ليش يحبيبــــه على بختچ مو نسيت وچنت أضن أنتي نسيــــــــــتي ما دريتي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ما دريتي شصار بيه من مشيــــــــــــــــتي؟؟ ولاسمعتي أخباري لامكتوب من عندي قريتي ليش أجيتي ؟؟؟ بعد كل هذي السنين شذكرچ بيه ولفيــــــــتي مو كبرت وفات عمري بسبب هجرچ والسنين أنحنى ظهــــــــــــــري وأنوسم بالشيب شـــــــــــــعري چان شعري بلون ليلچ وهسه ابيض مثل كاغد مثل غبره بلون بيتي ليش أجيتي ؟؟؟؟ وليش يحبيبه ألدمع لاح على جفنچ؟؟؟؟؟ وبأول حچاية عتب أنتي بچيـــــــــــــــــــــتي أنتي ندمانه وأجيتي؟؟؟ لو زماني الخان بي أفتر عليچ وبغدر غير أنچويتي ليش بعتيني برخص سعر التراب.................... وبالغلا غيري اشتريتي؟؟؟؟ والف ليش وليش وضل سؤالي بلا جواب وأكل بروحي شجنيت لياسبب انتي زعلتي وليش عفتيني وجفيتي ؟؟؟؟؟؟؟؟؟؟ وحتى لاچلمة وداع ولا حرف واحد حچيتي ليش أجيتي ؟؟؟؟ ردي ردي منين اجيتي ردي ماينفع ندم وانتي دمعچ مايفيد شما بچيتي ردي لاتصحين ألجروح ألغفن گوه يللي بعدچ والگرب بيهن أذيتي وأبقي عني بعيد يابنت الحلال ولاتجيني للشاعر محمد رحيمه الطائي ************************************************** ***************************** عيونك والعيد إجاني العيد وعيونك بعيدات بخت غيري أصبحن والصار مقسوم عايدت الصور ، بست المكاتيب وطلعت الهدايا وكلشي مضموم الگلب ذاك الگلب مابدّله الحال الجديدات العلي بس ذني الهدوم ابهذا العيد إجتني إتبارك الناس شبيهه لو تجيلك لحظه وتگوم روحي امغيمه روحي وصار سنتين ماتمطر بروحي اشبيهه الغيوم فقر الحال مايتسمه حرمان اليفارگ حبيبه انگول محروم ادري آنه السبب ما حسّبت زين وأعرف انت مني اهواي مهضوم وادري .. عرفوا ادري بقصتي وياك وفوگ الضيم بيك الوادم اتلوم إجاني العيد وعيونك بعيدات بخت غيري أصبحن والصار مقسوم لو تدري حبيبي اشكثر مشتاگ او ... لو تدري حبيبي اشكثر مهموم للشاعر رياض الركابي ************************************************** ******************************* وين اشوفك وين أشوفك ؟! ياهو اليدليني بيك ؟؟ روحي ليليه يمر بيها غرامك .. ودمعة صارت تشتهيك .. ضعت وين ؟! بيا محطة ؟ .. بيا مدينة ؟ بيا مكان ..؟ ويا صدر دافي بسرارك يحتويك ؟! المشكلة شلون انسى حبك .. وآني حتى عيوني تسألني عليك .. المكان البي گعدنه .. گام يسألني عليك .. والطريق البي مشينه .. هو هم يسأل عليك .. والورود الزاهيه تغير عطرهه .. لأن يمكن فارگت لمسة اديك .. وين أشوفك ؟! وكل شبر من عمري الك بي الف ذكرى .. وانت عمري .. وهم شفت فد يوم واحد ينسى عمره ؟! آني احس كل الأماكن تحمل بداخلها حسره .. المشكلة وتسألني عنك .. وياهو اليلاگيني هم يسألني عنك .. وآني شايل ذكرياتي بگلبي جمره .. او وصلوا بيدي إلك مية سلام .. الهوى .. الهوى يسلم عليك .. والشجر يبعث تحيه وگام يسألني عليك .. حتى ألبوم الصور .. لمن يذكرك .. يبچي .. يبچي ويذكرني بيك .. وين أشوفك ؟! دورت أحلامي حسبالي اشوفك .. وسألت عيني .. گلت .. بلكي بقى شي من طيوفك .. وما لگيتك .. أنت وين ؟! گمت أدور بين أوراقي القديمة .. الغافية ابفي السنين .. وگمت أرد لأيامي واسألهه عليك .. وهي .. هم تسألني وين ؟! وينك أنته ؟! آني من اشتم عطر .. حسبالي جيت ... وأركض بلهفة .. اركض بلهفة وبعد ميلمني بيت .. وثاري مثل الحلم يخلص لو صحيت .. وانت ماكو .. وكلشي يسألني عليك .. الليل من أسهر .. اشوفه يلمح ويسأل عليك .. كلشي يمي .. حزني .. تعبي .. قلقي .. وكل ذرة مني هايمة وتسأل عليك .. آني لو أندل مكانك .. يمكن عيوني تجيك .. كون أعرف .. هم بعد گلبك يحبني .. لو نسه ؟! وكون أعرف .. بعد بگليبك محنه .. لو ظروف الغربة خلنه قسه ؟! للشاعر محمد رحيمه ************* بهيده على بختك يا كمر .. مساهر واريد اشكيلك انه غريب ابدنيتي .. مضيّع وادور ابليلك عن ربعة اهلي ، ودلّة الديوان ، ومواويلك عن ضحكة البربين لعيون الدلو عن رقصة الصفصاف والماي الحلو عن صحبتي، وخلاني , وعيون النهر بهيده على بختك يا كمر *** يا غربتي ... غربة عصافير التودع اعشوشها... برفّة جنح ويا دمعتي ... دمعة الكاع التبكي موت اهروشها... بجيت الملح يا دار اهلنا الطاهره ... مر العمر عيون اليحب امساهره ...ومامش خبر بهيده على بختك يا كمر ************************************************** ******************************** وك يا كمرنه مروتك ... حنّي الشواطي بدمعتي كلهم كبرت اعله الصبر...والونّه صارت غنوتي مشتاق ابوسن دجله... واشرب مايها واعزف ترانيم المحبّه بنايها دجله الهوى ، والسوق ، والحب ، والسهر بهيده على بختك يا كمر وطنيات عتاب من الوطن ------------------------------------------------ عاتبت الوطن ليش الجرح ماطاب وليش الهسة باقي تلوب وتعاني رد بية وخزرني بعالي حسة وكل ؟ تسئلني اعلة جرحي وانت تدري زين اشل اول جرح يتوسع الثاني وعليه بيبان خوتي انسدت بلحظات وانة سنين يامة مفتحة بيباني ربك بالجوار اموصي سابع جار بس انة الوحيد ذياب جيراني ومن طحت وصرت فرهود بيد الناس اعاين عالجفوف جفوف خواني جبت سنين عمري مزامط وي الموت يومية بحرب وميتمة رضعاني دمي بطولي سايل للشمس مكشوف ولا واحد بخوتي بجفة داواني يرموني بحجر وانة اشتعل نيران شلت بيدي الجمر ضميتة بحضاني وبهذا الحصل الكونبية اندار محد هم ضميرة وكام صحاني كمت ماشوف زين بكثر صب دموع وماميز صحبتي بين عدواني صرت يعكوب وكتي والدموع انهار يا يوسف يردلي واني مو اني كضة وياي ياكل عمرة فد ماعون وبعد عشرة طويلة تالي شنطاني هسة ايرد جميلي بالعكس وياي ويفجر عبوتة مابين شباني لتهيج الجروح البية مفتوكات حجي غير الحزن مايعرف الساني كضيت العمر ما شفت اي الوان بس الون الاسود رمز لحزاني يمي الموت وجر مارضة عني يروح وصفت بس للنعي تاليها حيطاني وتسئلني بعد ودكلي فدوة شبيك وانت الجايب ابيض بيدك اجفاني خل يبقة الدهر بية يحد سيوف خل يفرح بموتي القاصي والداني ابقة انة الشجر ما ادك راسي لكاع واعشوش البلابل تزهي بغصاني وابقة انة النبع للخير من الكون لان اسمي العراق وهذا برهاني لان اسمي العراق وهذا عنواني للشاعر وسام حمزه أنهض ياعراق اوحد الصفين ولم شمل الاحبه وعيدلي الفرحه فرهدنه الوكت وعيونك انته اتشوف دكافي انصير حنطه بشفت الرحه دزيح الليل هاذا الخيم اعلى الناس ومتى ينجلي الليل وينبثق صبحه ضياع بنص ضياع العمر خلصناه وخذو محصولي كله وماشفت ربحه اتهمونه وسكتنه وحنه مذبوحين والجاني بريئ وبيده اخذ رمحه ماينشرح حزن البينه لا والله لان هوه الشرح يحتاج ليشرحه صفي كلوب ناسك وجلي عنه الظيم وداء التفرقه من الواقع انطرحه صفحات الحزن مرسومه بس احزان ونريد ابئمل مشرق نبتدي الصفحه بغداد امس بالحلم يادنيا زارتني بغداد امس بالحلم يادنيا زارتني من الباب سال الدمع وبلهفه شبكتني عشرين عام انقضن بالغربه والترحال والحزن خضر حزن واتغيرت الاشكال عودي ذبل وانحنه والشمس حرقتني وبغداد بس باوعت يادنيا عرفتني شميت بيها الوفه والشوق واللهفه ضمتني اعل الصدر وبقلبي الرجفه بغداد مومثل امس يادنيا مختلفه مهظومه من الحزن ودموعها نهران حسراتها من القلب نيران جوتني بغداد امس بالحلم والله بجتني ابصوت الالم والكدر والخوف سألتني وين اهلي عني ارحلوا وظلت خليه الدار لاطارش الي اجه ولاوصلولي اخبار مانمت من سافروا النوم مني طار وجروح تنزف حزن القلب ظل محتار يمته اولادي ترد جاوبني ياعمار ردت احجي بس عبرتي يايمه خنكتني بغداد امس بالحلم والله بجتني الف وســـــــــــــــــفة الانيقة تنظلم ......... بغداد سلام الله على بابالحوائج اســــد ........ بغداد بالارض جنة وروعة سمــــــــــــــــــا ......... بغداد الشر غير لونهه من بيضة الرمادي نار الغــــــــــــــــــدرتطفى وتصبح ........... رمادي خلي منطقك ابيض دوم وتحاشـــة ........ الرمادي حي الله اهل الكرم والــــــجود اهل ........ الرمادي بالغيرة جبلعالي وضميرهم مايوم جف وحگ الواســـــــــــــــــــع بسمعه و ........ بصره وعدوي لو نظرني بشــر ماخوفني .......... بصرة بصري انه ولحد المــــوتاعشگ .......... البصرة تواصلني بأصالتهه وبهواها موصل سليكون بهواكم لانيعــازل لاني ......... موصل رحمة الله عالما گطع رحـمه ودوم ......... موصل هايم بأرض نبي الله يونس الشگرة ........ موصل لو ما هي ما حلت بعيونيبغداد نشف ريجي وشما ارتوي رد انوب ............. وجف مااشبع من زيارةعلي وحب اهل .......ـ.... النجف گلبي سمچة وتايهه ابـــــــــــــــحر .......... النجف يأرض المذهب الشيعي ومنبع الدين شما توفي تضــــل مطــلوبللجبار ............. دين اليواسيك بدمعته ترى حـتى الدمعة ........... ديـن اخذ عروبة وحـــــــــــلم من صلاح ............. الدين اهل چلمةوبيـــــــــــــــــهم الوفى حله حبيبي مرافگ الزغـــــــــران وترك .............. حله بالك تحرم شــــي الله بجلاله امر .............. حله يالتسئل عالـــــــــحلو ترى الحلو ............... الحلة شافت ضيم وقهروفوگ القهر بله گلبك لا يجــــــــــــــف وبرقتك دوم .............. بله وهلدمعة عالـــــــــــــــجره برض ............ كربله اسودت بوجه الحسين ونجمعتكرب.......... وبله لامامي مابطل زيارته ومد ايدي اله المدي ايده ما ستنكف منمد ............ ايدي اله ونطي وجه ريان مثل برتقال ............. ديـــــــالى ثلث الطگ للـــــوطن وثلثين ............ لديالــــــــى صرح هيبداخلي ومبنية عمارة قيمة البشر مو فلوس وسـيارة ............ وعمارة البشرللموت يمشي شما طالت .......... عمارة مدرسة غيرة وزلــــــــــــــم ارض .......... العمارة للحگ فزعو فرد فزعة وكلهم ناصرينة ثلة ارجــــــــــالسبعين لحسين ......... ناصرينه اما من نـــــــــــــــــــــــاصر وقلة .......... ناصرينه بالرجال مجربة كـــــــــــــــــدهه ......... الناصرية اخلاقها بالعرف مضيف وديوانية ضيفي اله عيــــــــــوني وصدري .......... ديوانية بالشعر اسولفله شـــــعر ونظلمه .......... ديوان يالگاصدارض الــــــــــــعاصمة مر........ بالديوانية تلگاها ابية نفس هي مثلكركوك جميلة مكـــــــــــــــــــحلة بالنفط ........... كركوك وعيونالطــــــــــمع كلهه على ............ كركوك العرب گالت الي والكرد تتمــنى ............. كركوك تندرج لقليمهم وتصبح مثل اربيل حر البصــــــــــــرة ماينحمل ومعتدلة.......... اربيل طبيعة وبالشـــــــــــــــــــــــــكل اوربا ......... اربيل اريد انشدكم ياعرب هم عدكم نفس ......... اربيل عروس الوطنومكمل حسنهه السليمانية مغرورة بحلاوتهه حگـــــــــــــــــــــها ...... السليمانية اتفك الصدربسحرها وجبلــــــــــــــهه ..... السليمانية جمالوحسن منــــــــــــــــــظر اهل ...... السليمانية بس لو تصعد للثريا ما تلحگالبصرة دارميات ((( ـــ ((( الدارمي والابراج ))) ــــ )) الحمل ******** الكلب صح وياك ينضح مشاعر بس خلي يطغي اعليه صوت الضماير الثور ******** صح جرحك ايأذيك بس بالك اتصيح واوكف صخرجلمود من تجبل الريح الجوزاء ******** الدنيا صح وياك تمشي ابهداوه تنكلب مره اوياك بعدالحلاوه السرطان ******** بالك تخاف العوز ذب كلشي بالجيب ثق يجي اعليك الخير من منهل الغيب الاسد ******* العشك مامرغوب لاتكرب احذاه تاليهه نص تموز اتصيح اشاه العذراء ******* صح عندك افليسات وامنشنش الحال بس عندك انت اهموم ما اضنه تنشال الميزان ******** عندك افكار اكبار عندك مواعيد تابعهه تلكه الخير بدروبك ايزيد العقرب ******** عندك ربع واخوان من تحسب اهواي مثل السراب اوياك صدكني موماي القوس ******** حضك صعب ياصاح حضك مصيبه الدمع من الغيم عينك تجيبها الجدي ******** بالصبر والايمان تتعده الهموم من توكع اعله الكاع هم ترجع اتكوم الدلو ******* وقتك ذهب والماز وقتك جواهر الفرح صاراعليك مثل الدوائر الحوت ******* ضيف اعتناك ابليل بالك ترده تدري العشك لوراح حيلك يهده دارمي تدري انه من اشتاك ارسلك دموع .... وانت بصلافة عين ماتقبل تموع ليلي يمر سهران اتمنه ملكاك .... ومعارك ويه الروح ماترضه تنساك غلطة وتريد تصير حجة وردتها .... لو انت طيب الذات جان غفرتها كلما أكول انساك ارجع واحبك .... مثل الزرع والماي كلبي ويه كلبك لو ردت عني تروح خليلي صبرين .... واحد يصبر الروح والثاني للعين اتمنه روحي شموع وتحظر بعيدك .... وتكتب على الكيك أحبك وأريدك ارد أنشد أهل الشوك ومتاني توضيح .... ليش الاحنان بساع دمعتهم تطيح من دمي أريد اسكيه لولفي وأشربه .... ولو جاع أكص الكلب وأشوي اليعجبه هاك أخذ كلبي وياك يلماشي لهواي....كله انزرف بجفاك وبوصلك دواي كل يوم أكول اليوم باجر يمرون .... ومن كثر دمعي السال ماظلت عيون بأخر نفس مخنوك وأتمنه اشوفك .... واعذرني بس الموت يجبرني أعوفك هاي البداية وهيج التالي شلون .... رايد سند ياناس ادعولي تهون خليني يمك حطب من تبرد أشعل نار.... وبالصيف قالب ثلج لو صار مايك حار كل لحظة أفكر بيك كل ساعة كل يوم .... حته من أغمض العين تطلعلي بالنوم صوبه علاء الدين كلبي أنا بفركاك.... يمته تجي ياحلو نفط الكلب ملكاك هذا انت يالمحبوب يابعد روحي .... مجروح وبملكاك هادت جروحي أسأل عليك الروح مدري شتكلي .... مدري انت نص الروح مدري انت كلي مل مني حتى الليل والكمر شاهد .... بس بيك أفكر دوم للفجر كاعد دمك وسط هالروح ومكحل أيدي .... مثل العسل والله يمشي بوريدي روحي شكثر تهواك وشكد تهم بيك .... سعفه ويهزهه الريح من يمر طاريك كون الكلب بي باب ينفك تشوفه .... لو شفت غيرك بي حقك تعوفه ردت انشد العشاك والكلبه مجروح .... الجسد هم يعيش لو عافته الروح أبجي وأذب حسرات عالفاركوني ....مدري التهوا بالغير مدري نسوني ياخلي لو صديت كلبي يريدك .... موت وحياة الروح ياخلي بيدك يمكن أريد أنساك وأكول أعوفك.... وكل الحجي أنساه يوم الاشوفك ريتك تحس الصار وتشوف الجروح.... جرحي انا مو بضماد تلفه ويروح شفتك حلم بالليل وهزهزني رسمك .... وظل كلبي يرجف دوم من أذكر اسمك جتفت روحي جتاف كل ظني أنساك .... من روحي تطلع روح وتكولي أهواك شما تبتعد هيهات تبعد عليه .... أتنفسك كل يوم يعني انته بيه كونك تجيني بطيف وتمر عليه .... حتى الفراش يكوم ياخذ تحيه ماناسي والعباس والناسي ماعاش.... حبك لكيته وياي نايم بالفراش أتونس على شفاك لو حركتهن .... انسى شتريد تكول وأنسى الكلتهن لاتظن غيرك يوم واحد عشكته .... ولو يوم احب اثنين هم انته وانته طك كلبي والعباس كلش عليكم .... مو مشي يمكن راح دقلات أجيكم دم مو دمع والله هلن عيوني.... من يوم أعز الناس من فاركوني كون أنكلب قانون وأحكم حكم عام .... وأحكم على الينسوك كلهم بالاعدام كون الفرح ينعاد وترجع اليه .... صدكني ياابن الناس انته الهديه كافي ياروحي الم كافي ياكلبي جراح .... اذاني جرح الندم من ولفي عني راح كون الله وأهل البيت وحيدر الكرار.... يرجع حبيب الروح وأكتبله اشعار فك كلبي بيدك شوف دور أركانه .... امعشعشه جروحك بي مثل الحضانه هالمره راح نشوف أغفر وأتاني .... محتاره صار سنين اني وزماني ياروحي يادنياي ياحبي الأول.... بسك هجر وفراك البعد طول كلولي منهو ذاك كلتلهم هواي.... شنهو العالمة البي؟ رف كلبي وجلاي كل ساعة احسن بيك جنك نبض دم.... تسري انت بالشريان وبكلبي تلتم مادام كلبي قفل هاك انته فتحه.... فتش بكل عضاي كل مسه وصبحه نبته وغصن مكسور وبشحه الماي.... هذا انا كلبي عليك من تبعد هواي ماعندي ذنب وياك وأستاهل تعوف.... شلتك برمش العين وبذني الجفوف هاك الكلب والروح هاك اخذ العيون .... وأخذ العقل وياك خليني مجنون هاليوم انه وياك بس أرمش أشتاك.... جا شنهو بيه يصير لو صار الفراك يامسافر الله وياك بأسم الله محروس .... ياشفه بعد شفاك تستاهل البوس يتشابهن بالضوك ملحك وملحي.... بس انه فوك الزاد وانته على جرحي يسمر عليك العين تسألني كل يوم .... وتكولي أريد هواي لو أترك النوم بس كافي أترجاك ارجع اليه .... مو شفت من فركاك كل الاذيه متعلمة روحي عليك ماترضه تنساك .... أقبل أنا بالموت بس أبقى وياك غالي وعزيز هواي وفراكاك هموم.... وعيوني لو تنساك أعميها للدوم أسأل دموع العين دمعة على دمعة .... الرحل عن العين كلي شيرجعه أنشد عليك الروح كل مايجي الليل.... وينك يابعد الروح ماظل بعد حيل ياراحة ياأفراح تلتم عليه.... غير القهر وأحزان هواللي بيه تدري الندى البشفاك لو لامس شفاي.... شهرين أظل بالصيف ماأشرب الماي دوم التريده الروح مبتعد عني.... ليش الحبيب وياي مايفتهمني لو تحسب النجمات وتعرف عددهن .... والله وعلي الكرار حبك بكدهن تعرفني كلش زين ما انكر الطيب.. اتعلعل وحك عيناك لو عني تغيب اتمنة دوم وياك اكضي العمر دوم .. وادفنها عدلة الروح لو عافتك يوم لاكلبي مرة يهيد لا عيني تغفة .. لا صبر بية يفيد لا ناري تطفة حسبالك انة انساك لو طال الفراك .. بالعكس كل ما طالانة اكثر اشتاك كون الحبيب يصير بالحمزه دنكََه .. وبحجه الزوار كل ساعه اشبكَه ناذر نذر لوجيت وتشوفك العين .. اكعد واجدي اسبوع يم باب الحسين تدري شكثر يفلان وشكد احبك .. من كثر ما اشتاك مرات اسبك ادري انته صاير توم وانه لك جيري .. طلابتك بس وياي لو ويه غيري ابدع تفنن بيك واتقنك ربك .... ياعمي اموت عليك يا عمي احبك بالگلب ماناسيك صورة الك راسم .. حب من عهد صدام مو حب حواسم قلة عقل يهواي جيت اسال التيل .. مامر عليك هواي يالتضوي بالليل كل ظني بيك ارتاح بيك اظوي داري... ثاري طلع يفلان حبك تجاري باليمنة اكل بيه باليسرة اشربة .. عفتةانة بس يومين شفتة وية غربة ليش انت هيچ وياي تجرحني دومك ... تدريني احبك حيل منخرب بيومك أحچي بصراحة وياي حلوة الصراحة ... ميلوگلك والله طبع الوكاحة ليش الحلو محبوب من دون أصدقائه ... لو كتل عشرة بيوم يطلع براءه الدهر بس وياي شد الحرابه ... من عكب خمس قصور هسه بخرابه كون اني نجم بليل وانطر واتاني ... تطلعلي بالشباك وانزلك اني شتله بوسط هالروح حبك زرعته ... كل همك انا انساك مخبل انت كلبي ما عشك بنات ولا عشك نسوان ... بس انت وحدج بي اي ولله والقران حبك عماني بساع خلاني ماشوف...ارجف بنص تموز ومكبع بصوف شنهو العسل وياك مايسوه فلسين ... العسل ظاگك گال هذا الحلو منين تدري الله من سواك ما دزك بساع!! ... خاف انقلاب يصير من توصل الگاع شحجي وشرد عليك مو كلبي فاير ... جداحه هيتر صار لهل الجكاير خدك ورد رمان ومربى مشمش .... اجيك مثل الذبان واتگلي كشكش اسمر وخاف عليك من مشية الكاع ... فوك السمار البيك عيونك وساع لو فد سباق يصير ياهو اجمل الناس ... ونذب عليك تراب هم تاخذ الكاس إعيونك انتة القوس و إرموشك سهام ... كلمن يصد ترميه وتحكمة إعدام يلي وكعت بالبير ظل بمجانك ... من تطلع يصكوك يشوون اذانك يكتل جمال البيه بس بيك لوله ... عوف السمن مو عيب بس عينه حوله شلونك صباح الخير ياأحلى وردة ... مانمت طول الليل حلفي المخده صوم وصلاه نيشان بالكصه راسم .... لو تسئل التاريخ يطلع حواسم ها كمش لك ها زوج ها قشمر انتة ... ياكلبي اكلك هيج لو مرة عفتة ماخونك انة بيوم كالتلي ونسة ... شو خبر جاني بساع لزموهة كبسة ياطلعة يااعياد صارت بلحلام ........ لتفكر باعياد لف راسك ونام بلعشك كلش زين ماتنفع ادريك .... ماضي ويه ذاك الراح هل ليلة اسميك دم القلب بجفاك سال من العيون .. مو حب طبيعي هواك بيك انه مجنون كل ظني بيك ارتاح بيك اظوي داري......ثاري طلع يفلان حبك تجاري سجين حط بالكلب كطع شرايينه .. بس لا تعيد الطلب كل واحد بدينه يا راي اصلحك بي ويا ايد امدلك ... انت اعوج من الساس كلي شيعدلك نصفن نريد انشوف تاليت الفراق ... اتعنى ولله زحوف لومامشى الساق غصبن عليك اتعود هم انه غصبن ... صدك تره بفركاك اعيوني يعمن سلمت مارديت فهمني قصــدك .. شنهوالي بالك ليش خايفن حسـدك موحسد لاوالله دايـــخ تراني ... وهمومي كومه اهموم همهن عماني صدكني كلها اتروح تصبح سوالــف ... لوماضحك كل ساع جا عكلي تالــف ضحكني بعد ارجوك ضحكني ضحكه ... والحزن لو بوراق چاهسه احركــه حبك يبعد الروح عاش بكياني ... تقبله انت شلون اني انسه اني مو من مرض ونيت من شوكي الكم ... لو بيدي احط الروح يم باب اهلكم كلش فرحت اليوم من شفت الأشعار ... الله يبارك بيك يامشرف الدار يادنيا ليش وياي عثره على عثره ... من الصغر ولليوم بكلبي حسره شوف الكلب يهواي يتغنة باسمك ... ومني دخذ هالعين تفنن برسمك هاك اخذ نص الروح وانطيني بس نص .. حتى من اغص بالزاد من يمك اتغص گالوا حبيب الروح مل منك وراح .. گلتلهم الله وياه بس كونه مرتاح ليل ورمي وطلقات والشرطه هوسه .. لزموني گالوا وين گلت ارد ابوسه تمثال الكم نصوب مابين العيون ... نافوره منه وبيه من دمع العيون ابوذيات ليش الغدر جسمك منتشر بيه وكلبي لاتكل صافي منته شر بيه طرف صبعك حبيبي من تشر بيه كره واحقاد امطاره عليه شبيهك بالحواري العين .. يندار ولجدامك فرشت الروح .. يندار نذر عمري اعله عمرك كون .. يندار وشكو عندك علل تندار بيه شبده مني وتركت بساع ودك ولو ادري بعذاب الگلب ودك اعتب عالزمان اللي عَلَيّ وداك اختارك وكح حتى تخون بيه اكتبلي شما اردت تكتب واردلك بساتين بوسط گلبي ورد .لك اروح وابتعد وازعل واردلك لأن الگلب بيدك مو بديـــه گلبي انت ملكته وانت حر بيه عليل ودواه عندك وانت حر بيه ويا كاس السم اجرعه وانتحر بيه ولا غيرك يمس اطراف اديه عليك الحال ما ظل حال بعدك وعليك الدمع خالص نزف بعدك اجاني الموت وانت بهجر بعدك تحب الموت اظن انت اليـــــه سجاجينك بنص حشاي / لاحن وعزف عود بدليلي الـــــك / لاحن شنو گلبك صخـر .؟ لا سئل / لاحن وانه كلبي نترس ضيم واذيـــه يدهري الكَــــــلب ايس مره مني وكَصني إسهام هجرك من رمني أكَول السبــــــــــب منك مره مني وحرت ياهو سبب هالصار بيه مهموم الكَلب بي جرح بي داي واتيهن لو مشيت باثـــر بيداي من اوصل البابك وادكَ بيداي احس الباب هوه ايدكَ عليه قلبي مافرح عقـــــــــــبك ولاسار ولاجذمي ماخطى الغيرك ولاسار أخبرك مابقت جـــــــــلمه ولاسار فضحني الدمع من غصـــبن عليه مفارك والليالي سنين مرن علي صاير لذيذ الزاد مرن طفر قلبي على النقال من رن لأن حسيت روحي تدك عليه احبك حب ما ينكتب وصفه وعليك القلب مثل الذهب واصفه عليمن يكتب الدكتور وصفه اذا خدك والشفايف صيدليه حذاري لاتبيع الغير سرك ولاتتبع حچي الجذاب سرك رفيجك لو اجاك ويوم سرك على سره تحافظ للمنيه عتب وكتاب الك دزيت ...وصلك بنزاع الموت وانه انتضر...وصلك اسب امك وابوك وهلك ...وصلك بسبب چي حرمو شوفك عليه اريد افرمت قلبي والغي رامـــه واشيل العشك منه والغي رامـــه عليك انت المخطط والغرامـــــه لان حسنك كسر غفله عليه تگلي بعد ما ريدك ولا ابيك هاي اطباع مو منك ولا بيك انا ما لوم والدتـك ولا ابــيك الوم الوكـت الجابـك عليـة حـبـك بـالـگـلـب مـكتـوب مـا طاش و تـگـلـي شـبـابـي عليـك مـا طـاش صرت بيدك مسلسل طاش ما طاش تــبـچـيـنـي وتـضـحـكــنـي سـويــة هجرك ياولف صاير بلا حد مثل سيف اليكص ركبة بلا حد وگلتلي انتظري ارجعلچ بلأحد اجه الاحد ويمته تعود اليه احد سچين صبري وچن ولاحد التفتت وماشفت ربعي ولاحد وچم سبت اليمر بيه والاحد اجي بس شوفتچ تصعب عليه لتهم بالعمر خلصان وحده وانا ضعني سرى بالهوىوحده حلت چنها بعيونك غير وحده گمت ماتسأل ولاتمر بيه غيرج ماحلى بعيني ولاطاب ولادونج دخل قلبي ولاطاب ياجرحي وياج لاهود ولاطاب دم ينزف ولاتدرين بيه محبتك تجري وي روحي ويدماي وعليك انشلت عظامي ويدماي انچويت بيد انا ناري وبيد ماي ولكن من يطابگهن سويه عليچ الروح راحت من يردها وكيحة همومي صارت من يردها خطية الروح ملت منيردها لأن بس الصبر يسأل عليه. قسيت وياك يسمر عمي انا وعين الي الماتشوفك عمي انا اذا خالك فزعلك عمي انا تبرة وضحك والوادم علية يالسهمك لحد حشاي مارد أظل وياك لأخر نفس مارد چم مرسال الك رديت ومارد وظرف منك فلا وديت اليه احذر ياگلب تسمع وعدهن شكثر دگات احسبهن وعدهن يضل الفكر هاجرني وعدهن بعگل مجنون مدري شصار بيه إلك أذرف دمـــــع عيـــني وأهلّه يمن أنوارك شــــــــــموسُ وأهلّه واظل باسمـــــــك أردد يــــا أهلّه وعلى مصابك أون صبح ومسية چفك لا يمسني مستة حيلة وانا الما يستحيلي ماستحيلة عشرتي وياك صارت مستحيلة وانا الممنون اذا تگطع الجية أبعز نومي إجة طيفك وعاني ومــنك ضـــيم اتــحمل واعاني إجيتك معتــني إبدارك وعانــي ولامــره إجـــيت انـــــته عليه ألف وسفه الدهر عنك بعدني أموت أو أرتجي وصــــــلك بعدني أوتراني عالعهد باقـــــــــــي بعدني وانته القلب والروح والريه حبيبي يلغبت عني ولنساك وحطك بلكلب يمي ولنساك وحبك ياظوى عيوني ولنساك وذكرك كل صبح او مسيه تغـــيب الروح بغيابك و اردها و كتاب الشوق يا مدلل وردها وروحي بفرقـــتك يذبل وردها ماي انت وترد الـــــروح إليه ابتلت روحي و لا يخلص بلاها و بمحــــبتك ينتــهي قلبي بلاها بعـــذابك يا حـــلو ربـــك بلاها و تضل تنوح كل صبح و مسيه أحبابي اشلـون حــالتــكم بعدنا اشبدينا والوقـــت عنـــكم بعدنا إذا انتم نسيتونا ترى احنا بعدنا أبذكركم كل صباح وابكل مسيه وسفه الدهر شتتكم وطركم حسافه ماكضه منهم وطركم بذجركم هذا انه اهذي وكركم يعيد الله شتتكم جمع ليه زماني جرد اسيوفه وسنهه عليه اوحرمت عيني وسنهه وحق اللي فرض خمسه وسنهه بعد هيهات عيش ايصير اليه حبيبي دك بذرعانه ولجتاف بضلعي جاسي اللبي ولجتاف رضينه بحبس دندوشه ولجتاف وهي سجاني وتفتر عليه مر ولفي ايهبتني ومره هبته ومره اوصلت يمه مره هبته طحت مقدر يصاحب مره هبته اسد يخسه الاسد ملقاه اليه ابنار الهجر يامهجه دموعاي على مصابي السمه يمطر دموعاي اشما هلن يدندوشه دموعاي حسناتج تبدل بالف سيه سريتوا بالضعن ياترف هاوين جفيتوني ولعند الغير هاوين هاميت يحلو الطول هاوين حياتي والنظر اقبالك عليه وحم الالف واللامين والها روحي بهوى ساهي العين ولها لها ثغر وجبين وعين والها خذ شبه البدر لو سطع ضيه من مثلي دمع عيني يهلهه سبب غالب على روحي يهلهه وعلي تحيولكم ميت يهلهه من تبدي ترد الروح اليه حزني عليك مايبطل وناحي اسب اللامني بودك ونا حاي تبات الناس مستوره ونا حاي ليلي والنجم يشهد عليه وحك آية عصا موسى وسينا الك حثت رجايبنه وسينا الك حسن النبي يوسف وسينا الي والنور الك والنار اليه يحادي روعت قلبي بلحداي يخايب لفني وياهم بلحداي اون طول الدهر حتى بلحدي على الساروا وخلوني شجيه كل مغرم برت علته وناله سعيد اللي حضه بشخصك وناله الطارش من سمع نوحي وناله ترك شغله وبجه رحمه عليه حبيبي جفاك المعبودج صبراي حبيبي كمت اكل للروح صبراي حبيبي من ذكرتك نفذ صبراي حبيبي يصب فراقك عليه الدمع نهران بخدودي كراهه حبيبي سلب من عيني كراهه ليش امحبتك صارت كراهه اشبده مني وتشمت اعداي بيه روحي والهوى ودنياي وعداي علي وشلون اشيل الجدم وعداي صابر وانتظر واشوف وعداي ابفرح لو دوم وكتي محيط بيه ابكثر مانوح ملوني يراني طحت والشامت ابعينه يراني يخوتي السبع من جسمي يراني اكبال اهلي وعمامي اتشوف هيه اف من زماني اه منه على اللي عشرتي وياه منه اكله الدرب هذا يكول منه اكله فوت بيه يرد عليه دمه دمع البيابي سال وانهات عليك اكضي العمر حسرات وانهات بهواك انه اعذلتني الناس وانهات ما خذني الهوه غصبن عليه المصايب بس على روحي تلافت يقلبي اعله النكر طيبك تلافت اون وعطامي بهجرك تلافت طريح وساد دوب النفس بيه عفاني جيف الى مهجه ولي روح اداري بالعلل كلها ولي روح ماني بحال من يبكه ولي روح ابحالك يالقطعت الوصل بيه روحي مشت وياهم وهامت على الما بينت منهم وهامت اجفوف اعليك اطيرها وهامت واخلي ادموم تجري اعلى الوطيه تهت محد من احباب علي شار ينجيني الذي شمسه علي شار حجيت المصلحه طلعت على شار رجيت الغانمه صارت رديه هذا اللي لعند اعضاي هد هد ملهي وابد ماينصاد هد هد اكله اقرب يقلي ليك هد هد ارفع مشتهاك اشتظن بيه ناحل وامشي امكابر تراني اجلد خاف عدواني تراني تاره الموت يدهاني تراني اصحه من يمر شامت عليه قوم انصب يصاحب ماتم النه على الوياه ليله ماتم إلنه لون الرجل يملك ماتمنه مهو بالهون فركاهم عليه يصاحب لو تشوف اشلون كتماي على عيوني ويسح الدمع كتماي اشما اقل للروح سر الهوه كتماي تحن وتهيج الساكن عليه تظن انساك وانته الروح واسلاك سبب مايوم مني انقطع وسلاك أعيش آنه عقب فرقاك وسلاك معافي والوشاة أعملوا بيه هذا البيه كنتم لايميني وعذر مافاد بيكم لايميني لو تكتف يساري وي يميني هذاك انه الهوى غالب عليه اشمالك يازماني علي صليت ابنار وحمسيت اجلاي صليت مثل ماصلت ام عمران صليت فنكحني الهوه وذبني بنويه مدري لاتناشدني على احشاي بجيت وصب دمع عيني على حشاي تبعت الضعن وكفوفي على حشاي إشما مال الضعن روحي إتميل بيه أنام وشوك محبوبي يعاني افز مرعوب واتخيل يعاني هلي الدمع مرخوصه يعاني على اللي بالوصل شحوا عليه نصحته اولا نفع وياه نصحاي سكاره احنه بهواه مابعد نصحاي جفاني وصرت نصي ميت نصحاي نحيل ولا اثر نكاد بيه وحق التعبده شيعه وسنه ذوله الحرموا نومي وسنه عليك اسيوف جردنه وسنه علمك يلعبدت اشميت هيه اعذرني والوكت عنك لهاني بعزاك الزاد الي ابدا لهاني تفر من البدن روحي لهاني بسبب ماشالت التابوت هيه نثرت دموعي للاسمر والاكحل وصبغ وجانتي على خدودي ولك حل صدكني سهل انت ولك حل احلك لو ترد انت علية على ضيم الهوى ياروح علمي وبيها ارفعت اني اليوم علمي اسالتها المستوى وتكول علمي بخامس باء يالتسال عليه باب الدار بجفوفي لحني وحنين النوك ما يوصل لحني وطيت لكن اسهمك لحني بوسط قلبي وطبيبي احتار بية هلي وياهم چنت عايش بلاهم ونهاري شماضوى مظلم بلاهم هلي مدري الوكت شنهو بلاهم ولاهم اعرفوا بالصار بيه حبيبي لا تظن انساك ولهه دوه الروحي غرامك صار ولهة الشفة والعين ترد عليك ولها تدعيلك كل صباح وكل مسية الك ياصاح ماظل مني خاطر واحسبه احساب دربك من اخاطر تعال كرب حبيبي مني خاطر تعرف اجنون حبك اسوه بيه عيونك تصيب الگلب بسهام يلي ابد ماشفت بهواك بسهام انا طير المهاجر بالفضاء بسهام اشوفك وانا تايه بالبريه يـحلو الاطبـاع واصلني وقارب ماعندي اهل غيرك وقـارب سفينه بالبـحر ردتك وقـارب تشيل الحمل من يثگل عليـــه تغيب الروح بغيابك واردها كتاب جفاك من عندك وردها روحي بفركتك يذبل وردها شمس انت وتنور الدرب ليه تلوعنة وشفنه كل حلاوتهم ومرهم والروح تمشي على طوعهم وأمرهم حبيبي دوه لجروحي ومرهم تمنيته يجي ويحن عليه همت وانسلب عكلي وزاد مرضاي على المر ماشفت شخصة مر ضاي لون بات الترف بحشاي مرضاي لكه اكرب يهل مبعد علية بسك لا تضل تشكي بهاماك وتلوم العين وتعضعض بهاماك اخذ طبع النخل وارفع بهاماك واذا بالطين عركك هاي هية لو ردت الحبيب اتشوفه ينشــــــاف وطيبلك جرح بضــــــــماده ينشـاف اخبرك بل حبيب اشلون ينشـــــــاف بس ضيف الاميل وهاي هيــــه سماح اطلب انا المنكم وهدنــــه كمش بيد التعورنه وهدنــــــــه جبل راكَع خجل جيتك وهدنـــــــه اصير اتراب ونته اسحكَ عليه وحك رمضان وأشرافه وكتبه عليك يهل دمع عيني وكتبه انه شماريد أهم خطك واكتبه شدهني جفاك من غصبن عليه وحگ اعيونك ورسمك وداعك وحگ جلماتك الحلوه وداعك يصاحب فرهَد ابروحي وداعك انتلف ثلثين والباقي باذيه عجب خلخال ساكك مايرنش جبح ودموع عينك مايرنش يرن منك مصايب مايرنش كرهتك لوحياة تصير اليه تعال اسمع ون النايات وون عود يخويه امشي نرد للوطن ونعود اذا باجر متت بالغربه ون عود وتظل ابعيد عن ارض الوطيه روحي من الهجر عجزت ولابت حلفت بدار ماأنزل ولا بيت ذكرك مابقى ب***ي ولا بد انكطعت من كطعت الوصل بية تلوج الروح ياأحبــابي وراكم وعجاج الضعن سد عيني وراكَم يدمرني الحلم بيكم وراكم ويريت الحلم واليقــضه سويه. وسط گلبي يظل طابع وسمهه عسل صافي حلو مرهاوسمهه صفيت متيه باسمي وسمهه لان هيه النجم واني الثريه الدنيا خلافك وحشه ومره ولا منك بعد جيه ومره صورك مره اضمنها ومره اشوفنها توج نيران بيه احبة وما احب واحد بدالة وياذنب البدة مني وبدالة الك منصوب بكليبي بدالة خطك على النبض يشتغل بية سابيني بجمـــاله اوطول شعره انا اموت من اسمع ابيات شعره انا بيني وبين المـــوت شعره حبيبي اشوكت تلــــــحك عليه احبـــك حب مــاينــوصف وصفه وحبي الــك مثل الــذهب وصفه مريض اني ودكتوري وصفلي وصفه اخدودك الشفايف صيدلـيه ابزمن من هالبلاء اخصب وهد من (وعهد من) هاجر من مصايبكم وهدمن الصواريخ بمنازلنا وهدمن بيوت وذبحن من غير سيه بعدني ألف وسفه الوقت عنك بعدني أموت و أرتجي وصـــــــلك بعدني و تراني عالعهد باقـــــي بعدني تراك أنت النظـــــر والحيل بيه اجيت امشي بتوالي اليل واسعة على ام الشعرالطويل وعيون وسعة ياحافر قبر لهواي بالله عليك وسعة اريد اني وحبيبي نندفن بي سوية يا ناس باعو لعلتي وورمهة جبير وما اضن يهدأ ورمهة احبهة من جانت تمشي ورمهة وهي تحبني من جانو يلومون بية ابوذيات لكل من جوعان ههههه اريد انصب عزة لنفسي وقيمة لان ما ظل الها قدر وقيمة الناس تتبرع ابكبة وقيمة وانة الشوربة حسرة علية بحر دمعي نشف ماية وشطة واكلة اشجاب محبوبك وشطة العاذل اكل كنتاكي وشطة وانة احروف الخبز تاهت علية ألمن بعد اشكي اهمومي واشراح وما ادري اشبقى من العمر واش راح الناس افخاذ تاكل لحم واشراح وانة العظمات ما تحصل بدية الزهيري يا منهل الروح روحي لو ترد منهلك ما جان طول العمر شكوى انبدت منهلك تدري بهلاكي وتناشدني بدهر منهلك منهو الك غيري وغيرك ما هلكني احد واهلك رموني بتهم من نار هجرك احد سلمت امري وامرك وامرهم بيد واحد احد منك عسى الله ياخذ حوبتي ومنهلك يا صاح وصلك , بعدك فرح ما يلي تعال شوف و استمع و احكم على ما يلي الحزن عندي عدل بس البخت مايلي البخت ما ينعدل بالدنيا لا باخرة و هموم كلبي جذب ما تشيلهن باخرة الدرب الجنت باوله هسه صرت باخره و الناس صادت سمج و آنه الصفى ماي لي اطنون هم على الكلب من وزنت منك تنشد سبب علتي وك يا كلب منك جازاك ولفك هجر عود بوصل منك نخله ويضربك حجر وانته تذبله تمر شماضوك طبعك شريد كل اليوم زايد تمر جنت اطش دربك ورد من يمي لمن تمر اليوم بيه شطلع صار الدرب منك ياعذال فرحوا وغنوا يشمات حبيبي كلزهر حرمتوني من شماته الي يهوى ويحب يتحمل ضيم وقهر وشماااته الحب خلاني امشي بهل درب بلاوعي يلتسمعني افهم كلامي وعي يلي من صغره على الحب وعي يشوف شم جنن الحب وجم امااااته صوتيات 
|
|
|
|
07-05-2008, 09:10 PM
|
#2 |
|
•| رئيسة الاقسام العامة |•
|
رد: مكتبة انت عراقي
مشكووور يا الغلا
والله يعطيك الف عافيه واصل ابداعك وتميزك ولا تحرمنا منك في انتظار جديدك تحياتي لك |
|
|
|
|
07-05-2008, 09:16 PM
|
#3 |
|
•| مشرفة صور الفنانين |•
|
رد: مكتبة انت عراقي
مشكووور خيو
تصلمـ |
|
|
|
|
07-06-2008, 02:17 AM
|
#4 |
|
•| مشرف السيارات و المحركات |•
|
رد: مكتبة انت عراقي
مشكورين على مروركم
تلش حلو تحياتي |
|
|
|
|
07-06-2008, 02:29 AM
|
#5 |
|
ƸӁƷ ãṕћŕỡḋїŧĕ ƸӁƷ
|
رد: مكتبة انت عراقي
عرآقي أبو آلغيرهـ،
:: مـ ج ـهود غآيهـ في آلروعهـ، تسلــمـ إيــدك وردهـ، لآ عدمنــآك ، ودّيـ، :) |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| طرق مشاهدة الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| حصريــــــاً اول سيدي عراقي وفقط على انت عراقي ومن شغل ايدي | ☀二 ( عــــــــلآوي )二☀ | ميوزك بوكس | 20 | 06-26-2008 01:29 AM |
| مكتبة الالف مليار حسنة بل اكثر | لي هم انت صاحبه | دينك أساسك | 7 | 04-14-2008 12:26 PM |
| <><> ,,مكتبة صور, 500 صورة ,,<><> | بنت نجد | ادوات التصميم | 5 | 03-20-2008 10:35 AM |
| مكتبة صوتية .. لاي صوت يخطر على بالك .. | العراقية | الكمبيوتر والانترنيت | 8 | 03-09-2008 06:09 PM |
| مكتبة اسلامية كاملة متكاملة وهدية خاصة لكم أحبائي ... أرجوا التثبيت ... | hashem35 | الصوتيات و المرئيات الإسلامية | 1 | 11-11-2007 05:36 PM |
العرض العادي
